អតីតខ្សែប្រយុទ្ធរបស់ក្រុម Manchester United កីឡាករ Paul Pogba អាចនឹងចូលរួមលេងជាមួយក្រុម Marseille នារដូវកាលក្រោយនេះ។ ប្រសិនបើការចូលរួមនេះកើតឡើងមែន រូបគេអាចនឹងក្លាយជាមិត្តរួមក្រុមសារជាថ្មីម្តងទៀតជាមួយកីឡាករ Mason Greenwood។
ស្ថានភាពរបស់កីឡាករ Paul Pogba: កីឡាករ Paul Pogba កំពុងតែនៅទំនេរពីពិភពបាល់ទាត់នៅឡើយ ក្រោយពីកីឡាកររូបនេះបានបញ្ចប់កុងត្រាជាមួយនឹងក្លិបបាល់ទាត់ Juventus នៅក្របខណ្ឌកំពូល Serie A។ យ៉ាងណាមិញ កីឡាករ Paul Pogba ក៏កំពុងតែនៅទទួលរងពិន័យរយៈពេល 18 ខែពីការប្រកបអាជីពបាល់ទាត់ ដោយរូបគេអាចបន្តលេងសារជាថ្មីម្តងទៀតចាប់ពីខែមីនា ឆ្នាំ 2025 នេះតទៅ។
ព័ត៌មានចចាមអារ៉ាមអំពីអាជីពបន្តរបស់កីឡាករ Paul Pogba: កីឡាករសញ្ជាតិបារាំងរូបនេះក៏ធ្លាប់មានព័ត៌មានចចាមអារ៉ាមថារូបគេអាចនឹងផ្លាស់ទៅលេងនៅលីគកំពូល MLS ស្របពេលព័ត៌មានចចាមអារ៉ាមជាច្រើនទៀតបាននិយាយថារូបគេអាចនឹងចូលរួមជាមួយក្រុម Manchester United ជាលើកទី 3 ក្នុងអាជីពរបស់ខ្លួន។ យ៉ាងណាមិញ ស្ថានភាពក្នុងពេលឥឡូវនេះគេកំពុងចាប់អារម្មណ៍ថាកីឡាករ Paul Pogba អាចនឹងបន្តអាជីពរបស់ខ្លួនសារជាថ្មីម្ដងទៀតនៅប្រទេសបារាំង ដោយចូលរួមជាមួយក្រុម Marseille។
លក្ខខណ្ឌរបស់ក្លិបបាល់ទាត់ Marseille លើកីឡាករ Paul Pogba: បើយោងទៅតាមលោក Mehdi Benatia នាយកប្រតិបត្តិផ្នែកកីឡាកររបស់ក្លិបបាល់ទាត់ Marseille បាននិយាយថាកីឡាករ Paul Pogba ត្រូវតែបង្ហាញថារូបគេនៅមានកាយសម្បទារឹងមាំគ្រប់គ្រាន់ ដើម្បីបន្តលេងនៅក្របខណ្ឌកំពូល Ligue 1 មួយនេះ។ គួរបញ្ជាក់ផងដែរថា កីឡាករវ័យ 31 ឆ្នាំរូបនេះបានអវត្តមានពីវិស័យបាល់ទាត់ចាប់ពីអំឡុងខែកញ្ញា ឆ្នាំ 2023 មកម្ល៉េះ៕
ប្រភព៖ GOAL
