អតីតកីឡាកររបស់ក្លិបបាល់ទាត់ហង្សក្រហម Liverpool លោក Steven Gerrard អាចនឹងវិលត្រឡប់មកកាន់ប្រទេសអង់គ្លេសវិញ ដើម្បីកាន់ដំណែងជាគ្រូបង្វឹកក្រុម Blackburn ដែលកំពុងលេងនៅក្របខណ្ឌ Championship។
អាជីពជាគ្រូបង្វឹកពុំសូវអំណោយផលឡើយសម្រាប់ Steven Gerrard: អតីតប្រធានក្រុមជម្រើសជាតិអង់គ្លេស លោក Steven Gerrard កំពុងសម្រាកពីការងារមួយរយៈ បន្ទាប់ពីលោកចាកចេញពីដំណែងជាគ្រូបង្វឹករបស់ក្រុម Al-Ettifaq ដែលកំពុងលេងនៅក្របខណ្ឌ Saudi Pro League។ យ៉ាងណាមិញ កំណត់ត្រានៃការដឹកនាំរបស់លោកហាក់បីដូចជាមិនសមប្រកបឡើយ បន្ទាប់ពីលោកធ្វើពុំសូវបានល្អ។ ចំពោះជំនាន់នៃការដឹកនាំរបស់លោកនៅក្រុម Aston Villa ដែលកំពុងលេងនៅក្របខណ្ឌ Premier League ក៏ទទួលបានលទ្ធផលមិនសមប្រកបដូចគ្នាផងដែរ។
ភាពជោគជ័យផ្សេងៗដែលលោក Steven Gerrard អាចចាប់ការងារនៅអង់គ្លេសបាន: លោក Steven Gerrard ធ្លាប់ដឹកនាំក្រុម Rangers ដែលលេងនៅក្របខណ្ឌ Scottish Premiership ឱ្យលើកពានរង្វាន់បានក្នុងអាជីពជាអ្នកដឹកនាំរបស់លោក។ បន្ទាប់ពីលោក John Eustace ចាកចេញពីដំណែងជាគ្រូបង្វឹករបស់ក្រុម Blackburn ដើម្បីទៅដឹកនាំក្រុម Derby នោះ គេជឿជាក់ថាលោក Steven Gerrard នឹងក្លាយជាបេក្ខភាពដ៏សំខាន់មួយរូប ដែលអាចចូលកាន់ដំណែងមួយនេះបាន។
ស្ថានភាពរបស់ក្រុម Blackburn: សព្វថ្ងៃនេះ ក្រុម Blackburn កំពុងតែឈរនៅលេខរៀងទី 5 នៅក្របខណ្ឌ Championship។ លោក Steven Gerrard នឹងក្លាយជាបេក្ខភាពមួយរូបដែលអាចដឹកនាំក្រុម Blackburn ឱ្យឡើងទៅកាន់វគ្គ Play-off និងបន្តដំណើររបស់ក្រុមទៅកាន់ក្របខណ្ឌ Premier League វិញ ដោយក្រុម Blackburn ក៏ធ្លាប់ជាក្រុមដែលលើកពានរង្វាន់លីគមួយនេះផងដែរ៕
ប្រភព៖ GOAL
