ទំព័រមុខ » លោក Robin van Persie ទទួលបានសារដ៏រំជើបរំជួលពីលោក Arsene Wenger
អន្តរជាតិ

លោក Robin van Persie ទទួលបានសារដ៏រំជើបរំជួលពីលោក Arsene Wenger

Photo credit Feyenoord Rotterdam via FB

គ្រូបង្វឹកថ្មីរបស់ក្រុម Feyenoord លោក Robin van Persie បាននិយាយថាលោក Arsene Wenger ដែលជាអតីតគ្រូបង្វឹករបសើខ្លួនកាលនៅក្រុម Arsenal បានផ្ញើសារជូនពរដល់រូបគេ ក្រោយពីបានទទួលតំណែងជាគ្រូបង្វឹករបស់ក្រុម Feyenoord។

ការចាប់អាជីពជាគ្រូបង្វឹករបស់ក្រុម Feyenoord: មុននឹងកាន់ដំណែងជាគ្រូបង្វឹករបស់ក្រុម Feyenoord នៅលីគកំពូល Eredivisie លោក Robin van Persie ក៏ធា្លប់ជាគ្រូបង្វឹករបស់ក្រុម Heerenveen នៅលីគកំពូលនេះដូចគ្នា។ យ៉ាងណាមិញ លោក Robin van Persie បានចាប់អាជីពជាគ្រូបង្វឹករបស់ក្រុម Feyenoord នាពេលថ្មីៗនេះ ដោយកុងត្រាមានសុពលភាពរហូតដល់ឆ្នាំ 2027។ លោក Rene Hake ដែលជាអតីតក្រុមជំនួយការគ្រូបង្វឹករបស់លោក Erik ten Hag កាលនៅក្រុម Manchester United ក៏នឹងចូលរួមជាមួយលោក Robin van Persie ដូចគ្នា។

សារជូនពរពីលោក Arsene Wenger: លោក Robin van Persie បានចាប់ផ្តើមដំណើរអាជីពថ្មីរបស់លោកជាមួយនឹងក្រុម Feyenoord ដោយលោកបានទទួលសារជូនពរពីអតីតគ្រូបង្វឹករបស់ខ្លួនគឺលោក Arsene Wenger។ លោក Arsene Wenger បានអបអរសាទរចំពោះតំណែងថ្មីរបស់លោក Robin van Persie និងជូនពរឱ្យរូបគេទទួលបានសំណាងល្អ។ បន្ថែមពីនេះ លោក Robin van Persie បានបញ្ជាក់ថាលោក Arsene Wenger ប្រៀបដូចជាឪពុករបស់ខ្លួនក្នុងវិស័យបាល់ទាត់។

ជំហានបន្ទាប់របស់លោក Robin van Persie: លោក Robin van Persie នឹងត្រូវមានកិច្ចការធ្ងន់នាខែក្រោយនេះ ដោយក្រុម Feyenoord នឹងត្រូវប្រកួតជាមួយក្រុម Inter Milan ក្នុងក្របខណ្ឌ Champions League វគ្គ 16 ក្រុមចុងក្រោយ។ យ៉ាងណាមិញ ក្រុម Feyenoord ប៊ិះនឹងត្រូវផ្គូរផ្គងដោយប៉ះគ្នាជាមួយក្រុម Arsenal ទៅហើយ ដោយក្រុម Arsenal នឹងត្រូវប៉ះគ្នាជាមួយក្រុម PSV Eindhoven វិញក្នុងជំនួបវគ្គ 16 ក្រុមនេះ៕

ប្រភព៖ GOAL