កីឡាករ Vinicius Junior ដែលជាខ្សែប្រយុទ្ធរបស់ក្រុម Real Madrid និងក្រុមជម្រើសជាតិប្រេស៊ីល បានទទួលពានរង្វាន់ Men’s Player Award នៅក្នុងពិធី The FIFA Best Award 2024 ដែលបានប្រារព្ធធ្វើឡើងនៅទីក្រុងដូហា ប្រទេសកាតា។
ឆ្នាំដ៏អស្ចារ្យសម្រាប់កីឡាកររូបនេះ : ពានរង្វាន់នេះបានមកដោយសារតែការទទួលស្គាល់ពីការលេងយ៉ាងល្អឥតខ្ចោះ របស់កីឡាករ Vinicius ក្នុងមួយឆ្នាំនេះ។ កីឡាករវ័យ 24ឆ្នាំរូបនេះ បានដើរតូនាទីសំខាន់បំផុត នៅក្នុងភាពជោគជ័យរបស់ក្រុម Real Madrid ដោយបានបង្ហាញពីភាពរហ័ស ជំនាញនៃការលេងនិងសមត្ថភាពដែលតែងតែយកគ្រាប់បាល់ជូនក្រុមរបស់គាត់។ ការលេងរបស់គាត់នៅក្នុងការប្រកួតធំៗ បានទទួលបានការកោតសរសើរយ៉ាងខ្លាំងពីអ្នកគាំទ្រ អ្នកជំនាញ និងកីឡាករដូចគ្នា។
“នេះមិនមែនជាសុបិន្ត”: នៅក្នុងសុន្ទរកថារបស់គាត់លោក Vinicius បានបង្ហាញពីការដឹងគុណដល់មិត្តរួមក្រុម គ្រូបង្វឹក និងអ្នកគាំទ្រ ដែលបានគាំទ្រគាត់។ គាត់បាននិយាយថានេះគឺប្រៀបបានដូចជាក្តីសុបិន្ត។ គាត់ក៏បានអរគុណដល់មនុស្សគ្រប់គ្នានៅ Real Madrid គ្រួសាររបស់គាត់ និងក្រុមកីឡាករជម្រើសជាតិប្រេស៊ីលរបស់គាត់ ដែលជឿជាក់និងជួយគាត់ឱ្យមានថ្ងៃនេះ។
ការបំផុសគំនិតដល់កីឡាករអនាគត: នៅត្រឹមតែអាយុ 24ឆ្នាំ អាជីពរបស់ Vinicius Junior គឺពោរពេញទៅដោយសមិទ្ធិផលដ៏អស្ចារ្យ ហើយនៅឆ្នាំបន្ទាប់ក៏អាចជាឆ្នាំដែលនាំភាពជោគជ័យ ល្បីល្បាញនៃអាជីពរបស់គាត់ផងដែរ។ ការឈ្នះរបស់គាត់នៅ FIFA Best Awards មិនត្រឹមតែជាបង្ហាញទេពកោសល្យដ៍អស្ចារ្យរបស់គាត់ប៉ុណ្ណោះទេ ប៉ុន្តែក៏ជាសញ្ញានៃការបំផុសគំនិតដល់កីឡាករបាល់ទាត់គ្រប់រូបដែលប្រាថ្នាចង់បានពាននេះអោយខិតខំគ្រប់ៗគ្នា ។ ឆ្នាំបន្ទាប់អាចជាឆ្នាំដ៏សំខាន់សម្រាប់ការរីកចម្រើនបន្ថែមទៀតក្នុងអាជីពរបស់កីឡាករវ័យក្មេងរូបនេះ។
ប្រភព: Eurosport, NDTV SPORT
