កីឡាករ James Tarkowski បានបង្ហាញសមត្ថភាពយ៉ាងអស្ចារ្យក្នុងការតាមយកគ្រាប់បាល់ស្មើនៅនាទីទី98 ខណៈដែលក្រុម Everton ប៊ិះនឹងបរាជ័យក្រោមជ័យជម្នះរបស់ក្រុម Liverpool ទៅហើយ ក្នុងការប្រកួត Merseyside Derby នៅឯកីឡាដ្ឋាន Goodison Park។
ការប្រកួតដល់តានតឹង: ក្រុម Liverpool ជិតនឹងទទួលជ័យជម្នះដ៏សំខាន់មួយដែលនឹងនាំពួកគេឱ្យឈរនៅកំពូលតារាងដោយនាំមុខ 9ពិន្ទុក្នុងក្របខ័ណ្ឌ Premier League។ ការប្រកួតនេះបានចាប់ផ្តើមដោយទម្រង់លេងយ៉ាងប៉ិនប្រសប់ពីក្រុម Everton កីឡាករ Beto បានរកគ្រាប់បាល់ដោយការស៊ុតបាល់ពិន័យ Free kick ទាត់ចូលទីបានបន្ទាប់ពី 11នាទី។ ក្រុម Liverpool បានរកគ្រាប់បានវិញយ៉ាងលឿនដោយកីឡាករ Alexis Mac Allister រកបាល់បានបញ្ចូលទី។ នៅសល់ 17នាទីកីទ្បាករ Mohamed Salah បានស៊ុតបញ្ចូលទីយ៉ាងអស្ចារ្យដោយនាំអោយក្រុម Liverpool នាំមុខ 2-1 ដោយហាក់ដូចជានឹងទទួលបានជ័យជម្នះ។ ពេលវេលាក៏ចេះតែដើរមុខឯក្រុម Liverpool មានសង្ឈឹមឈ្នះច្រើនភាគរយមែនទែន តែទោះជាយ៉ាងណាក៏ដោយកីឡាករ James Tarkowski តាមយកគ្រាប់បាល់ស្មើវិញនៅនាទីទី98។ គ្រាប់បាល់របស់កីឡាករ James Tarkowski ដែរបានស៊ុតចូលមួយគ្រាប់នោះត្រូវបានត្រួតពិនិត្យទ្បើងវិញដោយ VAR (Video Assistant Referee) នឹងរកកំហុស ប៉ុន្តែត្រូវបានបដិសេពពីអាជ្ញាកណ្តាលក្រោយរកមិនឃើញថាមានអ្វីខុសនោះទេ។
ស្មារតីប្រយុទ្ធរបស់ក្រុម Everton នៅក្រោមការដឹកនាំរបស់លោក David Moyes: ក្រុម Everton មានអាកប្បកិរិយានិងផ្នត់គំនិតមួយដែរហៅថា មិនចេះចុះចាញ់ (never-say-die) ដែលនៅក្រោមការដឹកនាំរបស់លោក David Moyes។ អាកប្បកិរិយានេះបានបង្ហាញនៅពេលប្រកួត ដែល Everton មានភាពអត់ធ្មត់ក្នុងការវាយបករហូតដល់ចប់ការប្រកួត។
ការខកចិត្តរបស់ ក្រុមLiverpool: ក្រុម Liverpool មានការខឹងនិងខកចិត្តយ៉ាងខ្លាំង ដោយក្រុមខ្លួនអាចនាំមុខក្នុងពានលីគ(Premier League) ចំនួន 7ពិន្ទុ ប៉ុន្តែបាត់បង់ឱកាសក្នុងការយកពិន្ទុបន្ថែមដើម្បីនាំមុខក្រុម Arsenal។
ការផ្តោតអារម្មណ៍ទ្បើងវិញ: ឥឡូវនេះ Liverpool នឹងផ្លាស់ប្តូរការផ្តោតអារម្មណ៍ត្រឡប់ទៅទៅការប្រជែងពានរង្វាន់លីគរបស់ពួកគេវិញ ខណៈដែល Everton នឹងសម្លឹងមើលការពង្រឹងទម្រង់លេងអោយកាន់តែខ្លាំងដើម្បីបន្តលេងនៅក្នុងលីគ (Premier League)។
ប្រភព: BBC Sport
