កីឡាករ Kylian Mbappé បានស៊ុតបញ្ចូលទីបាល់ Hat-Trick(រកគ្រាប់បាល់បីគ្រាប់) លើកដំបូងអោយក្រុម Real Madrid ក្នុងការយកជ័យជម្នះ 3-0 ទៅលើក្រុម Real Valladolid។ ការស៊ុតបញ្ចូលទីមួយនេះបានជួយអោយក្រុម Real Madrid ស្ថិតនៅឈរលើតារាងកំពូល La Liga ជាមួយនឹងបួនពិន្ទុនៅលើក្រុម Atletico Madrid។ ខ្សែប្រយុទ្ធសញ្ជាតិបារាំងនេះ បានបង្ហាញទម្រង់លេងល្អនិងការអភិវឌ្ឍន៍ខ្លួនរបស់ក្រោមការដឹកនាំរបស់ Carlo Ancelotti ។
ទម្រង់លេងរបស់កីឡាករ Kylian Mbappé: កីឡាករ Kylian Mbappé បានបើកការស៊ុតបញ្ចូលទី ជាមួយការបញ្ចូនបាល់ពីកីឡាករ Jude Bellingham នៅនាទីទី30។ បន្ទាប់ពីពាក់កណ្តាលម៉ោង គាត់បានបន្តស៊ុតបញ្ចូលទីបាល់ទីពីរពីការបញ្ជូនបាល់របស់ Rodrygo ហើយបញ្ចប់ការរកគ្រាប់បាល់បីគ្រាប់ (hat-trick) ដោយការស៊ុតបាល់ពិន័យនៅចុងប្រកួត។ កីឡាករវ័យ 26 ឆ្នាំរូបនេះ រកបាន 15 គ្រាប់នៅរដូវកាលនេះ ដោយតាមពីក្រោយតែកីឡាករ Robert Lewandowski របស់ក្លឹប Barcelona ដែលមាន 16 គ្រាប់។
មតិរបស់គ្រូបង្វឹកក្រោយការប្រកូត: លោក Carlo Ancelotti អ្នកចាត់ការទូទៅរបស់ Real Madrid បានសរសើរទម្រង់លេងរបស់កីឡាករ Kylian Mbappé និងការរីកចម្រើនរបស់ក្រុម Real Madrid ជាពិសេសកីទ្បាករKylian Mbappé តែម្តងដែលមានការរីកចម្រើនខ្លាំងមែនទែននៅរដូវកាលនេះ។ គាត់គឺជាកីឡាករដែលសមត្ថភាព ហើយបានរួមចំណែកយ៉ាងសំខាន់ក្នុងជ័យជំនះនៅថ្ងៃនេះ។លោក Carlo Ancelotti បន្ថែមប្រាប់ទៀតថា ពួកយើងបានប្រឹងប្រែងនៅផ្នែកសំខាន់ៗជាច្រើន តែក៏នៅតែមានចំណុចជាច្រើនទៀតដែលយើងត្រូវខិតខំបន្ថែមនាពេលអនាគត។
ការដណ្តើមពាន La Liga: ការស្មើពិន្ទុគ្នារបស់ Atletico Madrid ជាមួយ Villarreal បានផ្តល់ឱកាសដ៏ល្អដល់ក្រុម Real Madrid ពង្រីកចម្ងាយនាំមុខចំនួន 4 ពិន្ទុ។ ទោះបីជានៅលើក៏ដោយ លោក Ancelotti បានសង្កត់ធ្ងន់ថា ការរក្សាការផ្តោតអារម្មណ៍នៅក្នុងការប្រកួតដណ្តើមពានគឺមានសារៈសំខាន់ណាស់។
ការផ្តោតអារម្មណ៍ទៅលើ Champions League: ឥឡូវនេះ Real Madrid បង្វែរការយកចិត្តទុកដាក់របស់ពួកគេទៅកាន់ការប្រកួត Champions League ដ៏សំខាន់ជាមួយក្រុន Brest នៅថ្ងៃពុធនេះ ដើម្បីយកជ័យជម្នះដែរមានសារៈសំខាន់សម្រាប់ពួកគេក្នុងការយកបន្តលេងដល់ដំណាលកាល 8កៅអី។ ប្រភព: Eurosport
