អ្នកចាត់ការទូទៅក្រុម Liverpool លោក Arne Slot បានទទូចដដែលៗថាកីឡាកររបស់គាត់នៅតែខំប្រឹងលេងបាន 100នាទីទោះបីជាទទួលរងនូវការខកចិត្តក្នុងប្រកួត 1-0 ដែលចាញ់ក្រុម Plymouth Argyle ក្នុងការប្រកួត FA Cup ជុំទីបួនក៏ដោយ។
តើមានអ្វីកើតឡើង?: ការពិន័យមានបាល់ Penalty នៅនាទី53 ពីសំណាក់កីឡាករលោក Ryan Hardie ល្មមគ្រប់គ្រាន់ក្នុងការនាំឱ្យក្រុមរបស់លោកគឺក្រុម Plymouth Argyle នាំមុខបាន ស្របពេលដែលក្រុម Liverpool មានការលំបាកក្នុងការយកគ្រាប់តាមស្មើក្រុម Plymouth Argyle។ ក្រុម Plymouth Argyleក្នុងការប្រកួតនេះមានការរៀបចំប្រកួតបានយ៉ាងល្អ។ លោក Arne Slot បានធ្វើការផ្លាស់ប្តូរកីឡករជាច្រើនដោយចាប់ផ្តើមពីកីឡាករវ័យក្មេងលោក Trey Nyoni និងលោក James McConnell នឹងបានដាក់កីឡាករដែលមានបទពិសោធន៍ដូចជាលោក Federico Chiesa និងលោក Diogo Jota ព្រមទាំងលោក Luis Doaz ផងដែរ។ ទោះបីជាយ៉ាងនេះក៏ដោយក្រុម Liverpool នៅតែបរាជ័យក្នុងការបង្កើតឱកាសគ្រប់គ្រាន់ក្នុងការបង្វែរការប្រកួត។
លោក Arne Slot បានសរសើរគូសត្រូវ: លោក Arne Slot បាននិយាយទៅកាន់ ITV និងបានសរសើរផែនការប្រកួតរបស់ក្រុម Plymouth Argyle និងផ្នែកខ្សែការពារល្អថា ហើយក៏បាននិយាយបន្ថែមទៀតថាវាជាថ្ងៃដ៏អស្ចារ្យសម្រាប់ក្រុម Plymouth Argyle។ គាត់បានបន្ថែមទៀតថាពួកគេមានផែនការប្រកួតដ៏ល្អ ហើយសមនឹងទទួលបានក្រេឌីតទាំងអស់។ ត្រលប់មកក្រុម Liverpool វិញគាត់បាននិយាយទៅកាន់ ITV ដដែលថា ថ្ងៃនេះក្រុមព្រមទាំងរូបគាត់មិនសប្បាយចិត្តក្នុងការទទួលលទ្ធផលនេះ ហើយក៏មិនអាចនិយាយបានថា កីឡាករលេងមិនបានល្អក្នុងរយៈពេល 100នាទីផងដែរ។ បាល់ពិន័យត្រូវបានផ្តល់ជូនយ៉ាងត្រឹមត្រូវ ហើយបាល់ពិន័យនោះបានសម្រេចការកាត់ក្តីប្រកួតយ៉ាងយូរនេះតែម្តង។ គាត់បានបន្ថែមទៀតថា ការដែលទទួលលទ្ធផលចាញ់មួយនេះវាធ្វើឱ្យប៉ះពាល់ដល់អ្នកគ្រប់គ្នា ដែលពាក់ព័ន្ធនឹង Liverpool ដូចជាអ្នកគាំទ្រ កីឡាករ នឹងរូបលោក។ ក្រុម Liverpool បានប្រយុទ្ធរហូតដល់វិនាទីចុងក្រោយ ប៉ុន្តែមិនអាចរកឃើញឱកាសដែលយើងត្រូវការសម្រាប់រកគ្រាប់បាល់បាន។
តើមានអ្វីបន្ទាប់?: ក្រុម Liverpool ត្រូវតែប្រមូលផ្តុំស្មារតីក្រុមឡើងវិញ ដើម្បីរៀបចំខ្លួនសម្រាប់ការប្រកួតដ៏សំខាន់ Merseyside Derby ដែលត្រៀមទល់នឹង Everton F.C. ក្នុង Premier League នៅថ្ងៃពុធ។
ប្រភព: Goal
