លោក Carlo Ancelotti អន់ចិត្តចំពោះសំណូរជាច្រើន ដែលសាកសួរអំពីអនាគតរបស់លោកជាមួយក្រុម Real Madrid បន្ទាប់ពីទទួលបានលទ្ធផលមិនសមប្រកប។
ការប្រែប្រួលបន្ទាប់ពីវត្តមានរបស់កីឡាករ Kylian Mbappe ចូលរួម: ក្រុមអធិរាជស Real Madrid បានឈ្នះពានរង្វាន់ La Liga និងពានរង្វាន់ UEFA Champions League ក្នុងរដូវកាល ២០២៣-២៤ នេះ ជាមួយនឹងទម្រង់លេងយ៉ាងអស្ចារ្យរបស់ខ្លួន។ ក្រុម Real Madrid បាននាំចូលចំណូលថ្មីគឺ កីឡាករ Kylian Mbappe ដោយការនាំចូលមួយនេះធ្វឱ្យអ្នកគាំទ្ររំពឹងថាក្រុម Real Madrid នឹងបង្ហាញទម្រង់លេងកាន់តែល្អបន្ថែមទៀត។ យ៉ាងណាមិញ អ្វីៗហាក់បីដូចជាមិនសមប្រកបតាមការរំពឹងទុក បន្ទាប់ពីក្រុម Real Madrid ធ្លាក់ទម្រង់លេង។ ក្រុម Real Madrid បានរងបរាជ័យក្រោមថ្វីជើងក្រុម Barcelona ជាមួយនឹងលទ្ធផល ៤-០ ថែមទៀតផង។
សំណួរជាច្រើនចោទសួរពីអនាគតរបស់លោក Carlo Ancelotti: បន្ទាប់ពីទទួលបានលទ្ធផលមិនដូចការរំពឹងទុក មានសំណួរជាច្រើនបានចោទសួរទៅលើអនាគតរបស់លោក Carlo Ancelotti ជាមួយក្រុម Real Madrid។ ដោយសារតែមានការចោទសួរជាច្រើនមកកាន់ក្លិបបាល់ទាត់ Real Madrid លោក Carlo Ancelotti សម្តែងការមិនពេញចិត្ត និងអន់ចិត្តចំពោះព័ត៌មានចចាមអារ៉ាមនេះដូចគ្នា។ ប៉ុន្តែភាគីខាងក្លិបបាល់ទាត់ Real Madrid នៅតែគាំទ្រពេញទំហឹងទៅលើរូបលោកដដែល។
ប្រធានក្លិបបាល់ទាត់ Real Madrid បញ្ជាក់ច្បាស់ៗ: ប្រធានក្លិបបាល់ទាត់ Real Madrid លោក Florentino Perez នៅតែជឿជាក់ថាលោក Carlo Ancelotti អាចកែប្រែស្ថានការណ៍របស់ក្រុមទាំងមូលបាន និងបន្តរក្សាលោកឱ្យនៅដឹកនាំក្រុមអធិរាជស Real Madrid ជាបន្តទៀត៕
ប្រភព៖ SPORT
