ទំព័រមុខ » Alphonso Davies បានបញ្ចប់ក្តីសុបិន Champions League របស់ Celtic
អន្តរជាតិ

Alphonso Davies បានបញ្ចប់ក្តីសុបិន Champions League របស់ Celtic

Photo credit via Bayern Munich


កីឡាករ Alphonso Davies របស់ក្រុម Bayern Munich បានស៊ុតបញ្ចូលទីរកគ្រាប់បាល់យ៉ាងអស្ចារ្យក្នុងការបំបាក់ក្រុម Celtic ចេញពីក្របខ័ណ្ឌ Champions League ដោយទទួលបានជ័យជម្នះសរុប 1-1 (3-2 aggregate)។ ក្រុម​ Celtic របស់លោក Brendan Rodgers​ ទោះជាលេងបានល្អនឹងគួរឱ្យចាប់អារម្មណ៍នៅឯកីទ្បដ្ឋាន Allianz Arena ក៏ពិតមែន តែគួរឲ្យស្តាយក្រុមរបស់គាត់បានធ្លាក់ចេញពីការប្រកួតនេះ ទោះបីជាជិតបានទៅដល់វគ្គ 16ក្រុមចុងក៏ដោយ។

សង្ខេបការប្រកួត:​ ក្រុម Celtic បានបង្ហាញទម្រង់លេងដ៏ល្អបំផុតមួយក្នុងក្របខ័ណ្ឌ Champions League របស់ពួកគេដោយមើលទៅទម្រង់លេងរបស់គេប្រហាក់ប្រហែលជាមួយក្រុម​ Bayern Munich។​ កីទ្បាករមកពីក្រុម Celtic គឺលោក Callum McGregor​ លោក Daizen Maeda និងលោក Nicolas Kuhn​ សុទ្ធតែមានឱកាសនៅដើមការប្រកួត ខណៈដែលខ្សែប្រយុទ្ធកីទ្បាករ Harry Kane របស់ក្រុន Bayern​​ Munich ត្រូវបានបង្ខំឱ្យសម្រាកនៅពាក់កណ្តាលការប្រកួតដោយសារតែរបួស។ ក្រុមជើងឯកស្កុតឡេន ធ្វើការនាំមុខនៅវគ្គទី2​ នៅពេលដែលកីឡាករមកពីក្រុម Celtic លោក Nicolas Kuhn បានស៊ុតចូលទម្លុះសំណាញ់ទីដោយការទាត់បាល់យ៉ាងល្អ និងបានបំបាក់អ្នកចាំទីរបស់ក្រុម Bayern Munich​ តែត្រៀមយកជ័យជម្នះផ្តួលក្រុមម្ចាស់ផ្ទះ។ The Hoops (ឈ្មោះហៅក្រៅរបស់ក្រុម​ Celtic) ដែលមិនទាន់ឈ្នះការប្រកួតនៅក្រៅទឹកដីតាំងពីឆ្នាំ​ 2017 ត្រូវបានកំណត់ពេលបន្ថែមម៉ោងក្នុងការប្រកួតនេះ។ ទោះយ៉ាងណាក៏ដោយនៅក្នុងការប្រែប្រួល​មួយនេះក្រុម Bayern Munich បានរកគ្រាប់បាល់ស្មើគ្នានៅនាទីចុងក្រោយជាមួយក្រុម Celtic។ កីទ្បាករ Kasper Schmeichel ធ្វើបានល្អមែនទែនក្នុងការសង្គ្រោះបាល់តរបស់កីទ្បាករ Leroy Sané ប៉ុន្តែកីទ្បាករ Alphonso Davies មកពីក្រុម​ Bayern Munich ប៉ះបាល់ចូលសំណាញ់ទី បន្ទាប់ពីកីឡករ Cameron Carter-Vickers ទាត់បាល់ចេញនាំអោយក្រុម​ Bayern Munich ទទួលបានជ័យជម្នះ។

មតិពីក្រុមCeltic: លោក Brendan Rodgers អ្នកចាត់ការទូទៅរបស់ក្រុម Celtic បាននិយាយទៅកាន់ Amazon Prime ថាភាពបរាជ័យនេះមិនមែនជាអ្វីដែលកីឡាកររបស់លោកសមនឹងទទួលបាននៅចុងបញ្ចប់នៃការប្រកួតនោះទេ ។ ពួកគេបានខិតខំលេងយ៉ាងល្អនៅក្នុងការប្រកួតនេះ ។ កីទ្បាករលោក Callum McGregor ប្រធានក្រុម Celtic បាននិយាយទៅកាន់ Amazon Prime ដូចគ្នាថាការប្រកួតនេះជាបទពិសោធន៍ដ៏អាក្រក់បំផុតមួយដែលគាត់ធ្លាប់មានក្នុងវិស័យបាល់ទាត់។

មានអ្វីបន្ទាប់? ជាមួយនឹងជ័យជម្នះពិន្ទុសរុប 3-2 aggregate ក្រុម Bayern Munich បន្តទៅជួបក្រុម Atletico Madrid ឬ Bayer Leverkusen នៅជុំបន្ទាប់។ ក្រុមរបស់លោក Vincent Kompany នៅតែមិនទាន់ស្គាល់ពាក្យចាញ់ក្នុងទឹកដីរបស់ខ្លួនក្នុងក្របខ័ណ្ឌ Bundesliga នៅរដូវកាលនេះនៅទ្បើយទេ ដោយបន្តទម្រង់លេងដ៏រឹងមាំរបស់ពួកគេក្នុងការប្រកួតប្រជែងនៅអឺរ៉ុប។​ ឥឡូវនេះក្រុម Celtic​ នឹងផ្លាស់ប្តូរការផ្តោតអារម្មណ៍របស់ពួកគេត្រឡប់ទៅការប្រកួតក្នុងស្រុកវិញ ដោយមានមោទនភាព ទោះបីជាធ្លាក់ចេញពីការប្រកួត Champions League ដ៏គួរឱ្យឈឺចាប់ក៏ដោយ។


ប្រភព: Sky Sports