គ្រូបង្វឹក Manchester United លោក Ruben Amorim បានសារភាពថា គាត់កំពុងស្ថិតនៅក្រោមសម្ពាធខ្លាំង បន្ទាប់ពីលទ្ធផលចាញ់ចាញ់នាពេលថ្មីៗនេះ។ ការបរាជ័យនេះ បានបង្កើតការសង្ស័យពីសមត្ថភាពរបស់គាត់ក្នុងការដឹកនាំក្រុមបិសាចក្រហម។
ការបរាជ័យតាំងពីទសវត្សរ៍ឆ្នាំ 1930 បានកកើតជាថ្មី: ការបរាជ័យ 2-0 ក្រោមថ្វីដៃ Wolves បានធ្វើឱ្យស្ថានការណ៍របស់លោក Amorim កាន់តែតានតឹង។ ជាមួយនឹង 7ពិន្ទុ ក្នុងការប្រកួត 7ប្រកួតដំបូងនៃ Premier League នេះជាការចាប់ផ្តើមរដូវកាលដ៏អាក្រក់បំផុតសម្រាប់ក្រុមបិសាចក្រហម Manchester United ចាប់តាំងពីទសវត្សរ៍ឆ្នាំ 1930។ ការបរាជ័យនេះក៏ជាការបរាជ័យលើកទី 5 ក្នុងប្រវត្តិសាស្ត្ររបស់ក្រុម Manchester United ក្នុងការប្រកួតដប់លើកដំបូងផងដែរ។
បញ្ហាប្រឈមនៃការតែងតាំងនៅពាក់កណ្តាលរដូវកាល: បន្ទាប់ពីបណ្តេញលោក Erik ten Hag ក្នុងខែតុលា ក្លិប Manchester United បានបង់ប្រាក់ ១០.៦ លានផោន ដើម្បីនាំយកលោក Amorim ពី Sporting Lisbon មកដឹកនាំក្រុម។ ទោះបីជាមានការស្នើសុំឱ្យពន្យារពេលការចូលកាន់តំណែងជាគ្រូបង្វឹករបស់លោក Amorim ក៏ដោយតែសំណើរមួយនេះត្រូវបានបដិសេធ។ ដូច្នេះហើយលោក Amorim ត្រូវប្រឈមមុខនឹងការផ្លាស់ប្តូរដ៏លំបាកនៅពាក់កណ្តាលរដូវកាល ដោយមានពេលវេលាតិចតួចក្នុងការស្គាល់កីឡាករ យល់ដឹងពីលក្ខណៈក្រុម និងបង្កើតយុទ្ធសាស្ត្រថ្មី។
ការសម្លឹងមើលទៅមុខ: លោក Amorim បានសង្កត់ធ្ងន់ថាក្រុមបិសាចក្រហម Manchester United ត្រូវការពេលវេលាក្នុងការកែលម្អ ប៉ុន្តែលោកនឹងខិតខំប្រឹងប្រែងឱ្យអស់ពីសមត្ថភាពសម្រាប់ការប្រកួតជាមួយ Liverpool នៅថ្ងៃទី ៥ ខែមករាខាងមុខនេះ។ លោកបានទទួលស្គាល់ថា ការប្រកួតបាល់ទាត់មានការប្រកួតប្រជែងខ្លាំង ហើយការប្រឈមមុខនឹងក្រុមដូចជា Liverpool គឺជាកិច្ចការដ៏សំខាន់ និងលំបាកផងដែរ។
ប្រភព: BBC Sport
