ខ្សែបម្រើស្លាបរបស់ក្រុមអេស្ប៉ាញ Real Betis Balompié គឺកីឡាករលោក Antony ត្រូវបានកាតក្រហមនឹងបណ្តេញចេញពីការប្រកួត អំឡុងពេលក្រុមរបស់គាត់ឈ្នះ 2-1 លើក្រុម Getafe CF។ នេះមានន័យថា គាត់នឹងខកខានការប្រកួតដ៏សំខាន់នាពេលខាងមុខរវាងក្រុមរបស់គាត់ Real Betis Balompié ជាមួយ Real Madrid ។
រឿងដើមហេតុ: កីឡាករសញ្ជាតិប្រេស៊ីលលោក Antony ដែលបច្ចុប្បន្នទម្រង់លេងរបស់គាត់ល្អមែនទែន តាំងពីពេលចូលរួមជាមួយក្រុម Betis មកក្នុងលក្ខខណ្ឌខ្ចីជើងពីក្រុម Manchester United។ នៅក្នុងការប្រកួតរវាង Real Betis Balompié និង Getafe CF ថ្មីៗនេះ កីទ្បាកររូបនេះបានទទួលកាតក្រហមភ្លាមៗសម្រាប់ការប្រជែងបាល់ (Slide) ទៅលើកីឡាករ Juan Iglesias នៅក្នុងម៉ោងជិតបញ្ចប់ការប្រកួតនាទី 90។ អ្វីដែលកាន់តែសោកស្តាយនោះគឺក្រុម Betis គ្រោងនឹងជួបជាមួយក្រុមរបស់លោក Carlo Ancelotti គឺក្រុម Real Madrid នៅសប្តាហ៍ក្រោយ តែឥឡូវនេះពួកគេបាត់បង់កីឡាករដ៍ឆ្នើមមួយរូបនេះ ដោយត្រូវបានកាតក្រហម និងផ្អាកវត្តមានរបស់គាត់បណ្តោះអាសន្ន។
ការបើកឆាករកគ្រាប់បាល់: ការបណ្តេញចេញរបស់កីឡាករ Antony ចេញពីទីលាននេះគឺជាការខកចិត្តយ៉ាងខ្លាំង ព្រោះគាត់បានជួយ Isco សម្រាប់គ្រាប់បាល់បើកឆាករបស់ Betis ក្នុងការប្រកួតជាមួយ ក្រុម Getafe។ ជាសំណាងល្អ សម្រាប់ក្រុមរបស់ Manuel Pellegrini គឺក្រុម Getafe មិនមានពេលវេលាគ្រប់គ្រាន់ដើម្បីទាញយកគ្រាប់បាល់នោះទេ ហើយក្រុម Betis បានទទួលជ័យជម្នះ 2-1។
វត្តមាន Antony នៅក្នុងក្រុម Real Betis Balompié: ចាប់តាំងពីការមកដល់របស់កីឡាករ Antony មកចូលរួមក្រុម Betis គាត់បានលេងការប្រកួតចំនួន 6 គាត់មានវត្តមានគាត់នៅក្នុងក្រុម ហើយឈ្នះ 3ដង និងស្មើ 2ដង។ កីឡាករវ័យ24ឆ្នាំ រូបនេះបានរួមចំណែកស៊ុតបញ្ចូលទី 3គ្រាប់និងបញ្ជូនបាល់អោយក្រុមរបស់គាត់បាន 2គ្រាប់ ដែលធ្វើឱ្យអវត្តមានរបស់គាត់ក្លាយជាការខាតបង់ដ៏សំខាន់មួយ មុនពេលពួកគេត្រៀមប៉ះជាមួយក្រុម Real Madrid ។
តើអ្វីបន្ទាប់?: ក្រុម Betis ដែលបច្ចុប្បន្នឈរនៅលេខរៀងទី7 ក្នុងតារាង La Liga នឹងមានគោលដៅក្នុងការប្រយុទ្ធយ៉ាងខ្លាំងក្លាជាមួយក្រុម Real Madrid បើទោះបីជាលោក Antony មិនមានវត្តមានក្នុងការប្រកួតនេះក៏ដោយ។
ប្រភព: Goal
