Everton បានសម្រេចចិត្តចែកផ្លូវជាមួយគ្រូបង្វឹក Sean Dyche បន្ទាប់ពីមានទម្រង់លេងមិនល្អជាបន្តបន្ទាប់ដែលធ្វើឱ្យក្លឹបស្ថិតក្នុងតំបន់ Relegation zone។ ការសម្រេចចិត្តនេះបើកឱកាសថ្មីអោយ លោក David Moyesដែលមានបទពិសោធន៍ជាច្រើនដឹកនាំ Everton ពីមុនមក ត្រឡប់មកដឹកនាំក្លិបចាស់វិញ ។
ការបណ្ដេញលោក Sean Dyche: ក្លឹប Everton បានដកលោក Sean Dyche កាលពីថ្ងៃព្រហស្បតិ៍ ចេញពីក្លិប។ ការដឹកនាំរបស់គាត់បានធ្វើអោយ Everton បានពិន្ទុតិចមែនទែននៅ Premier League ដែលបច្ចុប្បន្ន Everton ស្ថិតនៅ Relegation Zone។ ទោះបីលោក Sean Dyche បានជួយរក្សា Everton ក្នុងក្របខ័ណ្ឌ Premier League និងមានការកាត់ ៨ពិន្ទុក៏ដោយនោះ ទម្រង់លេងរបស់ក្រុមបានធ្លាក់ចុះយ៉ាងខ្លាំងនៅក្នុងរដូវកាលនេះ ដែលនាំទៅដល់ការដកគាត់ចេញ។
ទំនាក់ទំនងរវាងលោក David Moyes នឹង ក្លិប Everton: លោក David Moyes ដែលបានចាកចេញពីក្លិប West Ham នៅចុងរដូវកាលមុន ហើយក៍ធ្លាប់ដឹកនាំ Everton កាលពីឆ្នាំ 2002 ដល់ឆ្នាំ 2013 ដោយទទួលបានពានរង្វាន់ចំនួន 3 ដែលជាពានរង្វាន់របស់ League Managers Association (LMA) ប្រចាំឆ្នាំ។ គាត់ក៏មានកេរ្តិ៍ឈ្មោះក្នុងការចូលរួមស្តារក្លឹបទាំងក្នុងស្ថានភាពលំបាក។
មតិយោបល់របស់អ្នកគាំទ្រ និងការប្រកួតនៅខាងមុខ: អ្នកគាំទ្ររបស់ក្រុម Everton លោក Peter McPartland ពីទូរទស្សន៍ Toffee បានប្រាប់ Sky Sports ថា David Moyes មានភាពខុសប្លែកពីគ្រូដឹកនាំដទៃដោយសារតែជាក់ស្តែង គាត់ធ្លាប់ដឹកនាំ Everton ពីមុន ហើយគាត់នៅតែទទួលបានការស្រលាញ់ពីក្លឹបមួយនេះ។ ការនាំយកលោក David Moyes មកវិញ អាចជាជំហានសំខាន់ក្នុងការជួយក្រុមគេចផុតពីRelegation Zone និងបង្កើនសមត្ថភាពក្រុមដើម្បីប្រកួតប្រជែងនៅអនាគត។
ប្រភព: Sky Sports
