លោក Hansi Flick អ្នកចាត់ការទូទៅរបស់ក្រុម Barcelona បានរៀបចំការប្រជុំបន្ទាន់ភ្លាមៗជាមួយនឹងកីឡាករទាំងអស់ បន្ទាប់ពីក្រុមបានបរាជ័យក្រោមថ្វីជើងក្រុម Las Palmas ក្នុងលទ្ធផល ២-១។ លោក Hansi Flick ក៏មានការជួបគ្នាមួយទល់មួយជាមួយកីឡាករ Robert Lewandowski ដូចគ្នា ដោយកីឡាករសញ្ជាតិប៉ូឡូញរូបនេះពុំអាចរកគ្រាប់បាល់ទល់នឹងក្រុម Real Sociedad និងក្រុម Las Palmas បានឡើយ។
លទ្ធផលមិនល្អក្នុងការប្រកួតកន្លងទៅ: ក្រុម Barcelona បានបរាជ័យក្នុងការប្រកួតជាមួយក្រុម Real Sociedad និងបានត្រឹមស្មើប៉ុណ្ណោះជាមួយក្រុម Celta Vigo។ ក្រុម Barcelona កំពុងឈរនៅលេខទី១ បណ្ដោះអាសន្ននៃកំពូលតារាង La Liga ដោយនាំមុខក្រុមអធិរាជស Real Madrid ត្រឹមតែ ១ ពិន្ទុប៉ុណ្ណោះ។ អ្វីដែលគួរឱ្យព្រួយបារម្ភនោះសម្រាប់លោក Hansi Flick គឺក្រុមអធិរាជស Real Madrid កំពុងតែមានមួយប្រកួតក្នុងដៃ។
ទម្រង់លេងរបស់កីឡាករ Robert Lewandowski: កីឡាករ Robert Lewandowski ពុំអាចរកគ្រាប់បាល់ក្នុងការប្រកួតទល់នឹងក្រុម Real Sociedad និងក្រុម Las Palmas បានឡើយ។ យ៉ាងណាមិញ រូបគេបានរកគ្រាប់បាល់ក្នុងជំនួបជាមួយក្រុម Celta Vigo ដែលបញ្ចប់ទៅក្នុងលទ្ធផលស្មើប៉ុណ្ណោះ។ កីឡាករ Lewandowski កំពុងតែមាន ១៥ គ្រាប់ក្នុងដៃឆ្លងកាត់ការលេង ១៥ ប្រកួតឱ្យក្រុម Barcelona ក្នុងរដូវកាលនេះ។
ដំណើររបស់ក្រុម Barcelona ជាបន្តទៀត: លោក Hansi Flick នឹងមានភារកិច្ចដឹកនាំក្រុម Barcelona ប៉ះគ្នាជាមួយក្រុម Mallorca នាយប់ថ្ងៃអង្គារឈានចូលថ្ងៃពុធនេះ។ ចំពោះការប្រកួតបន្ទាប់ ក្រុម Barcelona នឹងត្រូវធ្វើដំណើរទៅប៉ះគ្នាជាមួយក្រុម Real Betis នាចុងសប្តាហ៍នេះផងដែរ៕
ប្រភព៖ Marca
