ខ្សែបម្រើស្លាបសញ្ជាតិកូឡុំប៊ី James Rodríguez បានចូលរួមជាផ្លូវការជាមួយក្លឹបយក្សម៉ិកស៊ិក León ដែលជាម្ចាស់ជើងឯក Liga MX ប្រាំបីសម័យកាល ។ កីឡាករវ័យ ៣៣ឆ្នាំរូបនេះ ផ្លាស់ទៅកាន់ការប្រកួតប្រជែងថ្មី បន្ទាប់ពីការបញ្ចប់កិច្ចសន្យារបស់គាត់ជាមួយក្លឹបអេស្ប៉ាញ Rayo Vallecano កាលពីថ្ងៃទី 6 ខែមករា។
ការផ្ទេរជាផ្លូវការទៅកាន់ León: ក្លឹបម៉ិកស៊ិក León បានបញ្ចប់កិច្ចព្រមព្រៀងផ្ទេររបស់ រ៉ូឌ្រីហ្គេស (Rodríguez )ជាមួយ Rayo Vallecano ដោយចំណាយថវិកា €១ លានដើម្បីចុះហត្ថលេខាលើកីឡាករអន្តរជាតិកូឡុំប៊ីរូបនេះ។ ការផ្ទេរនេះត្រូវបានពិភាក្សាថា ជាជំហានយុទ្ធសាស្រ្តដើម្បីពង្រឹងក្លិបមុនការប្រកួតសំខាន់ៗជាច្រើន រួមមាន FIFA Club World Cup ក្នុងខែមិថុនា ឆ្នាំ ២០២៥។
សង្ខេបអាជីព: James Rodriguez បានចាប់ផ្តើមអាជីពរបស់គាត់នៅ Envigado ក្នុងប្រទេសកូឡុំប៊ី មុនពេលចូលរួមជាមួយក្រុម Banfield របស់ប្រទេសអាហ្សង់ទីន។ ការបង្ហាញគុណផលលេងល្អនៅ Porto និង Monaco បាននាំឱ្យគាត់ឈ្នះពានរង្វាន់ Golden Boot នៅ FIFA World Cup ឆ្នាំ ២០១៤។ ហើយធ្វើឱ្យ Real Madrid នាំយករូបគាត់មកកាន់ក្រុមជាមួយការបង្ហាញខ្លួនបាន ១២៥ប្រកួតនៅទីនោះ មុនពេលចំណាយពេល ២រដូវកាលក្នុងលក្ខខណ្ឌខ្ចីជើងនៅ Bayern Munich ហើយក្រោយមកបានចូលរួមជាមួយ Everton ក្នុងឆ្នាំ ២០២០ ។
ជោគជ័យជាមួយក្រុមជាតិ: សមិទ្ធផលជាមួយជម្រើសជាតិកូឡំប៊ី James បានស៊ុតបញ្ចូលទីបាន ២៩ គ្រាប់ក្នុងចំណោម ១១២ ប្រកួតសម្រាប់ប្រទេសកូឡុំប៊ី បានជួយប្រទេសជាតិឈានដល់វគ្គ ១/៤ ផ្តាច់ព្រ័ត្រ World Cup ឆ្នាំ២០១៤ និងវគ្គផ្តាច់ព្រ័ត្រនៃ Copa America ឆ្នាំ២០២៤ ដែលពួកគេបានចាញ់អាហ្សង់ទីន។
ឱកាសលេងនៅ FIFA Club World Cup ៖ ក្លិប Leon ជើងឯកលីគកំពូលម៉ិកស៊ិក Liga MX ក៏មានកៅអីលេងជម្រុះ FIFA Club World Cup ផងដែរ ដោយពួកគេត្រូវប៉ះ Chelsea, Esperance de Tunis និង Flamengo នាខែមិថុនា ឆ្នាំ២០២៥ ខាងមុខនេះ។ការចូលរួមរបស់ James Rodríguez ត្រូវបានគេមើលថា ជាការលើកស្ទួយក្លិបលើឆាកអន្តរជាតិ។
