កីទ្បាករលោក Joao Felix បានចូលរួមជាមួយក្រុម AC Milan ក្នុងលក្ខខណ្ឌខ្ចីជើងសម្រាប់រដូវកាលដែលនៅសល់នៃឆ្នាំ 2024-25 បន្ទាប់ពីពុំមានឪកាសរកម៉ោងចូលលេងជាកីទ្បាករក្នុងការប្រកួតរបស់ក្រុមរបស់ខ្លួនគឺក្រុម Chelsea ។


ព័ត៌មានលម្អិតអំពីកិច្ចព្រមព្រៀង: ក្រុមបាល់ទាត់ AC Milan បានយកកីឡាករអន្តរជាតិព័រទុយហ្គាល់វ័យ25 ឆ្នាំរូបនេះជាមួយថ្លៃខ្ចីជើងចំនួន៥លានអឺរ៉ូ ដោយមិនជាប់កាតព្វកិច្ចទិញនៅរដូវក្តៅនេះឡើយ ដែលមានន័យថា AC Milan មានជម្រើសក្នុងការទិញ Joao Felix នៅពេលចប់កិច្ចព្រមព្រៀង ប៉ុន្តែពួកគេមិនតម្រូវឱ្យត្រូវតែទិញកីទ្បាកររូបនេះទេ។ ពួកគេអាចជ្រើសរើសរក្សាគាត់ ចរចាខ្ចីជើងថ្មី ឬអោយគាត់ត្រលប់ទៅក្រុម Chelsea វិញ។ ទាំងនេះជម្រើសរបស់ក្រុម AC Milan។ Joao Felix ដែលដំបូងឡើយបានចំណាយពេលពាក់កណ្តាលនៃរដូវកាល 2022-23 ក្នុងលក្ខខណ្ឌខ្ចីជើងរបស់ក្រុម Chelsea ដែលក្រុមបានទិញកីឡាករនេះជាអចិន្ត្រៃយ៍កាលពីខែសីហាឆ្នាំមុន ដោយបានចុះហត្ថលេខាលើកិច្ចសន្យារយៈពេលប្រាំពីរឆ្នាំ ក្នុងតម្លៃ35លានអឺរ៉ូ។ ទោះយ៉ាងណាក៏ដោយ គាត់បានរកឃើញថាពេលវេលាលេងរបស់គាត់មានតិចដោយសារតែក្រុមមានកីឡាករច្រើនពេកលេងនៅតំបន់គាត់នៅក្រុម Chelsea ។
ឱកាសតិចតួចនៅ Chelsea: លោក Joao Felix គឺជាកីឡាករថ្មីៗម្នាក់ក្នុងចំណោម 11នាក់ដែលបានមកដល់ក្លឹបមុនរដូវកាល 2024-25 ហើយគាត់បានបង្ហាញខ្លួនត្រឹមតែ ២០ លើកប៉ុណ្ណោះក្នុងការប្រកួតទាំងអស់។ ថ្វីបើបានបង្ហាញខ្លួនត្រឹមតែ 20ដងនៅគ្រប់ការប្រកួតក៏ដោយ គាត់បានលេង 3ប្រកួតរបស់ Premier League ហើយភាគច្រើនលេងក្នុងការប្រកួតពានរង្វាន់។ Joao Felix នៅតែអាចបង្ហាញទម្រង់លេងល្អរបស់គាត់ ទោះពេលវេលាដែរដាក់អោយកីឡាករនេះមានរយះពេលខ្លីក៍ដោយ ដោយស៊ុតបញ្ចូលទីបាន 6គ្រាប់ ក្នុងការបង្ហាញខ្លួន 8ប្រកួត ក្នុងកម្មវិធី Europa Conference League EFL Cup និង FA Cup ។
ក្រុម Milan ពង្រឹងតំបន់ខ្សែប្រយុទ្ធ: វត្តមានរបស់កីទ្បាករ Joao Felix បានជួយបន្ថែមជម្រើសវាយប្រហារដល់គ្រូបង្វឹក Sergio Conceicao សម្រាប់រដូវកាលដែលនៅសល់។ ក្រៅពីនេះ AC Milan ក៏បានចុះហត្ថលេខាលើខ្សែប្រយុទ្ធកីទ្បាករ Santiago Gimenez របស់ក្រុម Feyenoord នៅថ្ងៃចុងក្រោយនៃទីផ្សារដោះដូរកីឡាករផងដែរ ហើយពួកគេក៏បានចុះហត្ថលេខាលើកីទ្បាករ Kyle Walker និង Warren Bondo មុននោះដែរ។ ក្រុម AC Milan ដែលស្មើ 1-1 ជាមួយ Inter ក្នុងការប្រកួត Milan derby កាលពីថ្ងៃអាទិត្យ ឈរនៅលេខរៀងទី8 ក្នុងតារាង Serie A និងត្រូវជួបជាមួយក្រុម AS Roma ក្នុងវគ្គ8 ក្រុមចុងក្រោយនៃពានរង្វាន់ Coppa Italia នៅថ្ងៃពុធ។
ប្រភព: beIN SPORTS