កីឡាករ Jobe Bellingham របស់ក្រុម Sunderland ដែលជាប្អូនប្រុសបង្កើតរបស់កីឡាករ Jude Bellingham ត្រូវបានគេព្យាករណ៍ថាការចូលរួមជាមួយក្រុម Borussia Dortmund គឺជារឿងសមហេតុផលមួយ ដោយខ្លួនអាចដើរតាមគន្លងរបស់កីឡាករ Jude Bellingham។
ស្ថានភាពនៃការផ្ទេររបស់កីឡាករ Jobe Bellingham: ព័ត៌មានចចាមអារ៉ាមជាច្រើនបាននិយាយទាក់ទងនឹងការផ្ទេររបស់កីឡាករ Jobe Bellingham ទៅកាន់បណ្ដាក្លិបបាល់ទាត់ធំៗ។ យ៉ាងណាមិញ គេក៏ពុំទាន់ឃើញក្រុមណាមួយទាក់ទងចុះកុងត្រាកីឡាករវ័យ 19 ឆ្នាំនេះនៅឡើយទេ។ ក្រុម Sunderland ក៏សង្ឃឹមដែរថា កីឡាករ Jobe Bellingham នឹងចំណាយពេលបន្តទៀតជាមួយក្រុម ដើម្បីជួយក្រុមឱ្យបានឡើងទៅលេងក្នុងក្របខណ្ឌកំពូល Premier League វិញ។
ឱកាសដ៏ធំរបស់កីឡាករ Jobe Bellingham: កីឡាករ Jobe Bellingham ក៏ត្រូវបានក្លិបបាល់ទាត់ធំៗជាច្រើនក្នុងក្របខណ្ឌ Premier League ចាប់អារម្មណ៍មកលើរូបគេ។ ប៉ុន្តែការចូលរួមជាមួយក្រុម Borussia Dortmund គឺជារឿងដ៏ល្អបំផុតរបស់កីឡាកររូបនេះ។ បច្ចុប្បន្ន កីឡាករ Jude Bellingham គឺជាកីឡាករដ៏ល្អមួយពុំអាចខ្វះបានរបស់ក្រុម Real Madrid ដោយរូបគេក៏ធ្លាប់ជាអតីតកីឡាកររបស់ក្រុម Borussia Dortmund ដូចគ្នា។
ដំណើរផ្សងព្រេងបន្តរបស់កីឡាករ Jobe Bellingham: កីឡាករ Jude Bellingham បានចំណាយពេល 3 ឆ្នាំលេងឱ្យក្រុម Dortmund មុនពេលដែលរូបគេបានអភិវឌ្ឍខ្លួន ធ្វើឱ្យតម្លៃខ្លួនកើនដល់ 103 លានអឺរ៉ូក្នុងការផ្ទេរទៅលេងឱ្យក្រុម Real Madrid។ យ៉ាងណាមិញ កីឡាក Jobe Bellingham ក៏ចាប់ផ្តើមអាជីពជាកីឡាករយុវជនរបស់ក្រុម Birmingham ដូចនឹងកីឡាករ Jude Bellingham ដូចគ្នា។ កីឡាករ Jobe Bellingham បានចូលរួមជាមួយក្រុម Sunderland កាលពីឆ្នាំ 2023 ដោយកុងត្រានៅបន្តរហូតដល់ជាង 3 ឆ្នាំទៀតឯណោះ៕
ប្រភព៖ GOAL
