ទំព័រមុខ » Jude Bellingham យកជ័យជម្នះដ៏គួរឱ្យភ្ញាក់ផ្អើលជូន Real Madrid ទល់នឹង Man City
អន្តរជាតិ

Jude Bellingham យកជ័យជម្នះដ៏គួរឱ្យភ្ញាក់ផ្អើលជូន Real Madrid ទល់នឹង Man City

Photo Credit via Real Madrid

កីទ្បាករ Jude Bellingham បានស៊ុតបញ្ចូលទីយកឈ្នះចុងម៉ោងខណៈដែល Real Madrid បានផ្តួល Manchester City 3-2 ក្នុងការប្រកួតជម្រុះ Champions League ដ៏គួរឱ្យភ្ញាក់ផ្អើល ក្នុងជើងទីមួយ នៅឯកីឡាដ្ឋាន Etihad ។

រកគ្រាប់បាល់ផ្ទួលម្ចាស់ផ្ទះ:​ ក្រុម Manchester City បាននាំមុខ 2គ្រាប់ដោយកីឡាករ Erling Haaland ដែលជាអ្នកបើកការស៊ុតបញ្ចូលទីគ្រាប់បាល់ដំបូង ហើយក្រោយមកក៏មានគ្រាប់បាល់ពិន័យ​ 11ម៉ែត្រផងដែរ ដែលធ្វើឱ្យក្រុមជើងឯករបស់អង់គ្លេសមួយនេះឈានមុខក្រុម Real Madrid។ តែយ៉ាងណាក៏ដោយកីឡាករ Kylian Mbappe បានរកគ្រាប់ឱ្យក្រុម Real Madrid បានវិញ ដោយការស៊ុតបាល់ពិន័យ 11ម៉ែត្រ មុននឹងកីឡាករ Brahim Diaz។​  កីឡាករ Brahim Diaz​ ក៏បានធ្វើឱ្យអតីតក្លឹបរបស់គាត់ភ្ញាក់ផ្អើលជាមួយនឹងការស៊ុតបញ្ចូលទីរបស់គាត់ (Brahim Diaz ធ្លាប់ជាអតីតកីឡាករចាស់ Manchester City) តាមរកគ្រាប់ស្មើវិញ 2-2 ដោយការទាត់បាល់បញ្ចូលទីយ៉ាងរហ័សនៅក្នុងគ្រាដ៏សំខាន់នេះ។ ​ក្រុម Real Madrid កីទ្បាករ Vinicius Junior បានលួចបាល់ពី Rico Lewis និងបានប៉ះសេបាល់ពីលើ Ederson ដែលអាចឱ្យ Jude Bellingham មានឪកាសទាត់បញ្ចូលទីបាន​រកគ្រាប់បាល់បានផ្ទួលម្ចាស់ផ្ទះក្រុម Manchester City។|

ការចាប់យកឱកាសយកឈ្នះ: កីទ្បាករសញ្ជាតិអង់គ្លេសលោក​ Jude Bellingham រូបនេះ បានថ្លែងប្រាប់សារព័ត៌មាន Amazon Prime ថាក្រុម Real Madrid តែងតែមានទំនុកចិត្តនៅលើតារាងបាល់ទាត់ និងមានទំនុកចិត្តទោះជាប៉ះក្រុមណាក៏ដោយ។ គាត់បន្ថែមទៀតថា តែលើកនេះជួបការលំបាកក្នុងការលេងជាមួយទល់ជាមួយក្រុម Manchester City មែនទែនតែម្តងដែលត្រូវបានក្រុម Manchester City យកបាន 2គ្រាន់មានប្រៀបមុន តែចុងបញ្ចប់គាត់បានចាប់យកឱកាសយកឈ្នះ 3-2 បានវិញ ។

ការប្រកួតនៅពេលខាងមុខ: ពេលនេះក្រុម Real Madrid នឹងទទួលបានប្រៀបគ្រាប់បាល់ចំនួន 1គ្រាប់សម្រាប់ការប្រកួតជើងទី២នៅកីឡាដ្ឋាន Bernabeu ដោយពួកគេនឹងសម្លឹងឆ្ពោះទៅរកការផ្តួលក្រុមម្ចាស់ជើងឯកប្រចាំទ្វីបអឺរ៉ុប។

ប្រភព: Sky Sport