ខ្សែបម្រើរបស់ក្រុម Real Madrid កីឡាករ Jude Bellingham បាននិយាយពីបញ្ហាចម្រូងចម្រាសដែលទាក់ទងនឹងការពិន័យកាតក្រហមរបស់គាត់នៅក្នុងការប្រកួតជាមួយ Osasuna ដោយទទូចថាមានការយល់ច្រឡំទាក់ទងនឹងពាក្យសម្តីរបស់គាត់ទៅកាន់អាជ្ញាកណ្តាល។
រឿងរ៉ាវដែលកើតឡើង: កីឡាករលោក Jude Bellingham បានទទួលកាតក្រហមភ្លាមៗក្នុងការប្រកួតរវាងក្រុមលោកគឺ Real Madrid ស្មើគ្នា 1-1 ជាមួយក្រុម Osasuna ដោយសារតែការចោទប្រកាន់ពីការមិនគោរពចំពោះអាជ្ញាកណ្តាល។ យោងតាមរបាយការណ៍របស់អាជ្ញាកណ្តាល កីឡាករសញ្ជាតិអង់គ្លេសរូបនេះ បាននិយាយថា “f*ck you” ដែលធ្វើឱ្យគាត់ត្រូវបណ្តេញចេញពីការប្រកួត។ ទោះជាយ៉ាងណាក៏ដោយលោក Jude Bellingham បានបដិសេធដោយអះអាងថា គាត់បានប្រើពាក្យ “f*ck off” ទៅវិញទេ។ មិនថាមានការបំភ្លឺបែបណាក៏ដោយ ការបណ្តេញចេញនេះបានបង្ហាញពីការខាតបង់យ៉ាងខ្លាំងចំពោះក្រុមលោកដោយសារតែ Real Madrid បានបាត់បង់ពិន្ទុក្នុងការប្រកួតដណ្តើមជើងឯក។ ប្រសិនបើក្រុម Barcelona យកឈ្នះក្រុម Rayo Vallecano នៅថ្ងៃច័ន្ទទៀត នោះពួកគេអាចនឹងដណ្តើមតំណែងកំពូលរបស់ La Liga ពី Real Madrid បានទៀតផង។
Jude Bellingham បំបែកភាពស្ងៀមស្ងាត់របស់គាត់: បន្ទាប់ពីការប្រកួតនេះចប់លោក Jude Bellingham បានចូលទៅប្រព័ន្ធបណ្តាញសង្គមរបស់គាត់ ដើម្បីនិយាយពីស្ថានភាពនេះអោយកាន់តែច្បាស់។ គាត់បានបង្ហោះនៅលើ Instagram ផ្ទាល់ខ្លួនថា ចង់អោយគ្រប់គ្នាឈប់និយាយអំពីការយល់ច្រលំក្នុងការប្រកួតនេះ។ គាត់គ្រាន់តែចង់សុំទោសម្តងទៀត ដែលទុកមិត្តរួមក្រុមរបស់គាត់ស្ថិតក្នុងស្ថានភាពលំបាកបែបនេះ ជួបគ្នានៅថ្ងៃពុធនៅផ្ទះ(ការប្រកួតផ្សេងទៀតដែល Real Madrid ជាម្ចាស់ផ្ទះ)។
រឿងរ៉ាវធំ: Real Madrid ឥឡូវនេះ កំពុងរង់ចាំការសម្រេចចិត្តរបស់លីគថាតើកីទ្បាករ Jude Bellingham នឹងប្រឈមមុខនឹងការព្យួរការប្រកួតឬអត់។ ក្លឹបសង្ឃឹមថានឹងគេចផុតពីការហាមឃាត់នេះ ជាពិសេសចាប់តាំងពីកីទ្បាករ Mason Greenwood របស់ក្រុម Getafe បានរួចផុតពីការផ្តន្ទាទោសសម្រាប់បទល្មើសស្រដៀងគ្នាកាលពីដើមរដូវកាលនេះ។ ការបាត់បង់កីឡាករ Jude Bellingham នឹងក្លាយជាឧបសគ្គដ៏សំខាន់សម្រាប់ក្រុម Real Madrid ខណៈដែលគាត់នៅតែជាកីឡាករដ៏សំខាន់ម្នាក់ ក្រោមការដឹកនាំរបស់លោក Carlo Ancelotti ។
រឿងបន្ទាប់សម្រាប់របស់ Jude Bellingham: ពេលនេះស្ថានភាពកីឡាករ Bellingham នៅក្នុងលីគ La Liga នៅតែមានភាពមិនទាន់ច្បាស់លាស់នៅទ្បើយ។ លោក Jude Bellingham ត្រូវបានគេរំពឹងថានឹងត្រលប់ទៅលេងនៅ Champions League វិញ។ ក្រុម Real Madrid នឹងត្រូវជួបក្រុម Manchester City ក្នុងជើងទីពីរនៃការបញ្ចប់ការប្រកួតជម្រុះរបស់ពួកគេបន្ទាប់ពីជ័យជម្នះ 3-2 ដ៏គួរឱ្យរំភើបរបស់ពួកគេ នៅកីឡដ្ឋាន Etihad ដែលជាកន្លែងដែល Jude Bellingham ស៊ុតបញ្ចូលទីចូលបានសម្រេច។ អ្នកគាំទ្រក្រុម Real Madrid នឹងអន្ទះសារចង់ឃើញគាត់នៅលើទីលានវិញ ខណៈដែលពួកគេបន្តស្វែងរកពាននៅអឺរ៉ុប។
ប្រភព: Goal
