កីឡាករ Kyle Walker បានចាកចេញពីក្រុម Manchester City ទៅចូលរួមជាមួយក្រុម AC Milan ក្នុងកិច្ចសន្យាខ្ចីជើងរយៈពេលប្រាំមួយខែ។ ក្លឹបនៅ Serie A បានជ្រើសរើសលោក Kyle Walker ដែលជាខ្សែការពារវ័យ 34ឆ្នាំរូបនេះ ក្នុងតម្លៃ5លានអឺរ៉ូ(4.2លានផោន)នៅរដូវនេះ។
ភាពជោគជ័យរបស់លោក Kylie Walker: កីទ្បាករលោក Kyle Walker បានចាកចេញ បន្ទាប់ពីបង្ហាញខ្លួនប្រាំពីរឆ្នាំកន្លះជាមួយក្រុម Manchester City។ គាត់បានបង្ហាញខ្លួននៅក្នុង 319ប្រកួត និងឈ្នះ 17ពានរង្វាន់ រួមទាំងពានរង្វាន់ Premier League ចំនួន6 និង Champions League ជាពិសេសគាត់បានដឹកនាំក្រុមសម្រាប់ពានរង្វាន់ Premier League កាលពីរដូវកាលមុនផងដែរ។ គាត់បានចូលរួមជាមួយក្រុម Manchester City ក្នុងកិច្ចព្រមព្រៀង 50 លានផោន ដែលយករូបគាត់ពីក្រុម Tottenham Hotspur ក្នុងឆ្នាំ 2017។
មូលហេតុដែលលោក Walker សម្រេចចិត្តចេញ: កីឡាករសញ្ជាតិអង់គ្លេសរូបនេះ បានស្នើសុំចាកចេញពី City កាលពីដើមខែមករាដោយលើកឡើងពីបំណងចង់ជួបឧបសគ្គថ្មីៗនាពេលអនាគត។ ការបង្ហាញខ្លួនចុងក្រោយរបស់គាត់សម្រាប់ក្រុមគឺទទួលបានជ័យជម្នះ 4-1 ក្នុងផ្ទះលើក្រុម West Ham នៅដើមខែថ្មីៗនេះផងដែរ។
សាររបស់លោក Kylie Walker ទៅកាន់ Man City: កីទ្បាករKyle Walkerរូបនេះបានបង្ហាញពីការដឹងគុណ ថាការចុះហត្ថលេខាជាមួយក្រុម Man City ក្នុងឆ្នាំ២០១៧ គឺជាក្តីសុបិនមួយដែលក្លាយជាការពិត។ ការឈ្នះពានរង្វាន់ចំនួន 17 រួមទាំងពានរង្វាន់ Champions League និងពានរង្វាន់ដ៏ល្បី គឺជាអ្វីដែលគាត់ធ្លាប់ស្រមៃកាលពីនៅក្មេង។ ការលេងជាមួយកីឡាករឆ្នើមៗជាច្រើន ហើយនៅក្រោមការដឹកនាំរបស់លោក Pep Guardiola បានជំរុញឱ្យគាត់ធ្វើជាកីឡាករល្អបំផុតហើយគាត់នឹងដឹងគុណក្រុមនេះជារៀងរហូត។
ឱកាសដ៏ល្អរបស់ក្រុម AC Milan: លោក Kyle Walker នឹងពាក់អាវលេខ 32 នៅ AC Milan ដែលបច្ចុប្បន្នឈរនៅលំដាប់ទីប្រាំបីក្នុងក្របខ័ណ្ឌ Serie A ហើយកំពុងប្រជែងសម្រាប់វគ្គជម្រុះពានអឺរ៉ុប។ បទពិសោធន៍ និងភាពជាអ្នកដឹកនាំរបស់គាត់ ត្រូវបានគេរំពឹងថា នឹងពង្រឹងការការពាររបស់ AC Milan អោយកាន់តែខ្លាំងក្នុងដំណាក់កាលដ៏សំខាន់នៃរដូវកាលនេះ។ ប្រភព: Sky Sports
