ក្លិប Manchester City បានប្រកាសជាផ្លូវការពីកិច្ចសន្យាថ្មីប្រវត្តិសាស្រ្ត រយៈពេល ៩ ឆ្នាំកន្លះសម្រាប់ ខ្សែប្រយុទ្ធ Erling Haaland ។ កិច្ចសន្យាថ្មីនេះ នឹងរក្សាឱ្យកីឡាករអន្តរជាតិន័រវេសរូបបន្តស្នាក់នៅទឹកដី Etihad រហូតដល់ខែមិថុនា ឆ្នាំ ២០៣៤ ។ កិច្ចសន្យាដែលមិនធ្លាប់មានពីមុនមកនេះពង្រឹងជំហររបស់ Haaland ក្នុងនាមជាកីឡាករដ៏សំខាន់នៅក្នុងមហិច្ឆតារយៈពេលវែងរបស់ Man City ដោយមានចេតបណ្តុះបណ្តាលឱ្យគាត់ជាកីឡាករម្នាក់ដែលរកប្រាក់ចំណូលបានខ្ពស់បំផុតនៅក្នុងពិភពបាល់ទាត់។
លម្អិតពីកុងត្រាថ្មី៖ កិច្ចសន្យាថ្មីរបស់ Haaland នឹងមានតម្លៃ ៥០០,០០០ ផោនក្នុងមួយសប្តាហ៍ លើប្រាក់ពលកម្មដើម ៣៧៥,០០០ផោនក្នុងមួយសប្ដាហ៍។ ប្រាក់ចំណូលសរុបរបស់ Haaland ក្នុងកិច្ចព្រមព្រៀងរយៈពេលជិត១០ឆ្នាំ នឹងមានចំនួន ២៦០លានផោន ឬ ស្មើនឹង ២៦លានផោនក្នុងមួយឆ្នាំ។
កិច្ចសន្យាប្រវត្តិសាស្រ្តនៅ Premier League៖ រយៈពេលនៃកិច្ចសន្យារបស់ខ្សែប្រយុទ្ធ Haaland គឺវែងបំផុតនៅក្នុងក្របខ័ណ្ឌ Premier League ដោយបានវ៉ាដាច់កិច្ចសន្យារយៈពេល ៩ឆ្នាំដែលខ្សេបម្រើប្រយុទ្ធ Cole Palmer បានចុះហត្ថលេខាជាមួយ Chelsea កាលពីខែសីហា ឆ្នាំ២០២៤។
ដំណើររបស់ Haaland ជាមួយ Man City៖ ខ្សែប្រយុទ្ធកម្ពស់ ១.៩៤ សង់ទីម៉ែត្ររបនេះ បានចូលរួមជាមួយ Man City ពី Dortmund ក្នុងឆ្នាំ២០២២ ហើយបានស៊ុតបញ្ចូលទីបាន 111 គ្រាប់ក្នុងការបងកហាញខ្លូន ១២៦ប្រកួត សម្រាប់ក្លឹប។ ចាប់តាំងពីផ្លាស់មកកាន់ទឹកដី Etihad Stadium រូបគេបានឈ្នះពានរង្វាន់ Premier League ចំនួនពីរលើក គឺ FA Cup, Champions League, Super Cup និង FIFA Club World Cup ចំនួនមួយលើកដូចៗគ្នា។
