ទំព័រមុខ » Mikel Arteta និយាយថា Arsenal សមនឹងទទួលអារម្មណ៍ឈឺចាប់នេះ បន្ទាប់ពីចាញ់ West Ham
អន្តរជាតិ

Mikel Arteta និយាយថា Arsenal សមនឹងទទួលអារម្មណ៍ឈឺចាប់នេះ បន្ទាប់ពីចាញ់ West Ham

Photo credit via Arsenal

លោក​​ Mikel Arteta ដែលជាអ្នកចាត់ការក្រុម Arsenal មានការខឹងសម្បារយ៉ាងខ្លាំង បន្ទាប់ពីការចាញ់ក្រុម Arsenal ចាញ់ក្រុម West Ham 1-0 ដោយសារភាពថាឱកាសដណ្តើមយកពាន Premier League មិនស្ថិតនៅក្នុងដៃរបស់ពួកគេទៀតទេ។

រឿងហេតុកើតទ្បើង: បន្ទាប់ពីក្រុមហង្សក្រហម Liverpool បានទទួលពិន្ទុស្មើគ្នា​ 2-2 ទល់នឹងក្រុម Aston Villa កាលពីពាក់កណ្តាលសប្តាហ៍មុននេះ ធ្វើអោយក្រុមកាំភ្លើងធំ Arsenal បានឱកាសមាសដើម្បីបំបាត់គម្លាតពី Liverpool។ ទោះជាយ៉ាងណាក៏ដោយក្រុមកាំភ្លើងធំ Arsenal បែរជាទទួលបរាជ័យដោយសារគ្រាប់បាល់របស់កីទ្បាករលោក Jarrod Bowen នៅពាក់កណ្តាលតង់ទៅវិញ ដែលនាំអោយក្រុម West Ham ទទួលបាននូវជ័យជំនះដ៏សំខាន់សំរាប់ក្រុម នៅកីឡដ្ឋាន​ Emirates។​

អ្វីដែលលោក Mikel Arteta បាននិយាយ: ក្រោយពីការបរាជ័យយ៉ាងខកចិត្តនេះលោក Mikel Arteta បានបង្ហាញពីការខកចិត្តរបស់គាត់ក្នុងកិច្ចសម្ភាសន៍ជាមួយទូរទស្សន៍ Sky Sports ថា វាពិតជាឈឺចាប់ជាខ្លាំង ប៉ុន្តែនេះគឺជាកីឡា។ រូបគាត់និងកីទ្បាករគ្រប់រូបក្នុង​ក្រុម Arsenal ត្រូវតែមានអារម្មណ៍ឈឺចាប់ថ្ងៃនេះ និងសមទទួលបានលទ្ធផលចាញ់បែបនេះ។​ នៅក្នុងសន្និសីទសារព័ត៌មានក្រោយការប្រកួត អ្នកចាត់ការសញ្ជាតិអេស្ប៉ាញរូបនេះ បានរិះគន់ទម្រង់លេងរបស់ក្រុមខ្លួន និងនិយាយបន្ថែមថា ពាន Premier League មិនស្ថិតនៅក្នុងដៃរបស់ពួកគេទៀតទេ។​ គាត់បន្ថែមទៀតថា គាត់ពិតជាខកចិត្តយ៉ាងខ្លាំង​ បើជាក់ស្តែងខឹងខ្លាំងមែនទែនតែម្តង។ យើងត្រូវតែអបអរសាទរក្រុម West Ham សម្រាប់ជ័យជម្នះនេះ​ ប៉ុន្តែសម្រាប់ក្រុមលោក Arsenal ​រឿងជាច្រើនមិនបានជួយឱ្យមានទទួលបានសន្ទុះ(ទម្រង់លេងរបស់កីឡាករ)គ្រប់គ្រាន់នោះទេ។

ពិន្ទុះរបស់ក្រុម Arsenal​ នៅតារាង Premier League​: បញ្ហារបស់ក្រុម Arsenal កាន់តែអាក្រក់ទៅៗនៅពេលដែលកីឡាករលោក Myles Lewis – Skelly បានទទួលកាតក្រហមដោយ​ផ្ទាល់​នៅក្នុងតង់ទីពីរ ពី​បទ​ល្មើស​ផ្ទួលកីឡាករ Mohammed Kudus។​​ ឥឡូវនេះពួកគេបានធ្លាក់ចុះ 8ពិន្ទុតាមពីក្រោយក្រុម Liverpool ដែលជាក្រុមនាំមុខគេក្នុងក្របខ័ណ្ឌ Premier League​ ដែលបានបន្តការនាំមុខដល់ទៅ9ពិន្ទុនៅលើកំពូលតារាង បន្ទាប់ពីបានផ្តួលក្រុម Manchester City កាលពីថ្ងៃអាទិត្យ។|

តើមានអ្វីបន្ទាប់: ក្រុមកាំភ្លើងធំ Arsenal នឹងវិលទៅកាន់ទីលានប្រកួតវិញនៅថ្ងៃពុធនេះ ខណៈពួកគេត្រូវជួបក្រុម Nottingham Forest ដែលឈរនៅលេខរៀងទី3​ នៃតារាងក្របខ័ណ្ឌ Premier League។ ស្របពេលជាមួយគ្នានេះដែរក្រុម Liverpool នៅតែគ្រប់គ្រងលំនឹងស្ថិតនៅលើកំពូលតារាងខណៈដែលពួកគេត្រៀមសម្រាប់ការប្រកួតបន្ទាប់របស់ពួកគេ។

ប្រភព: Goal