ស្ថានភាពបច្ចុប្បន្ន៖ Neymar នៅតែស្ថិតក្នុងបញ្ជីឈ្មោះរបស់ក្លឹបអារ៉ាប៊ីសាអូឌីត Al Hilal ប៉ុន្តែអ្នកគ្រប់គ្រងក្រុមលោក Jorge Jesus បាននិយាយកាលពីដើមខែមករាថា ខ្សែប្រយុទ្ធប្រេស៊ីលមិនអាចលេងក្នុងកម្រិតដែលយើងចង់បានទៀតទេ ហើយមិនត្រូវបានចុះឈ្មោះលេងនៅ Pro League ឡើយ ដោយទុករូបគេសម្រាប់លេងតែនៅ AFC Champions League ប៉ុណ្ណោះ។
ដំណើរការបញ្ចប់កុងត្រា៖ តាមរយៈ ESPN កិច្ចសន្យារបស់ Neymar ជាមួយ Al Hilal ទំនងជានឹងត្រូវបញ្ចប់ ប៉ុន្តែព័ត៌មានលម្អិតចុងក្រោយនៅតែត្រូវបានចរចា។ ភាគីទាំងពីរត្រូវបានគេរំពឹងថានឹងជួបប្រជុំគ្នា នៅដើមសប្តាហ៍នេះ ជាមួយនឹងក្តីសង្ឃឹមនៃការឈានដល់កិច្ចព្រមព្រៀងមួយ។ ប្រសិនបើរឿងនោះកើតឡើងមែននោះ ខ្សែប្រយុទ្ធវ័យ៣២ឆ្នាំរូបនេះ នឹងត្រូវចុះកុងត្រារយៈពេលប្រាំមួយខែ ដែលនឹងមានជម្រើសក្នុងការបន្តមួយឆ្នាំបន្ថែមទៀតជាមួយនឹង Santos ។
ការរំពឹងទុក៖ ប្រសិនបើកិច្ចព្រមព្រៀងជាមួយ Santos ត្រូវបានរៀបចំរួចរាល់ នោះ Neymar គ្រោងនឹងធ្វើដំណើរទៅកាន់ប្រទេសប្រេស៊ីលក្នុងសប្តាហ៍នេះ ហើយអាចលេងឱ្យ Santos បាននៅដើម ខែកុម្ភៈ ខាងមុខនេះ។ ប្រសិបបើ Al Hilal បញ្ចប់កិច្ចសន្យារបស់ Neymar ដែលមានសុពលភាពដល់រដូវក្តៅនេះ រូបគេ នឹងដើរចេញពីក្លិប ជាមួយប្រាក់ 65 លានដុល្លារ។
បញ្ហាប្រឈមនៅក្លិប Alhilal៖ Neymar រងរបួសរ៉ាំរ៉ៃ ជាមួយ Al Hilal បន្ទាប់ពីចូលរួមជាមួយក្លឹបអារ៉ាប៊ីសាអូឌីតមួយនេះ ពី Paris Saint-Germain នៅរដូវក្តៅឆ្នាំ២០២៣ ក្នុងតម្លៃ ៩៧.៦ លានដុល្លារ។ គាត់បានត្រលប់មកទីលានវិញកាលពីខែតុលាឆ្នាំមុន ប៉ុន្តែរបួសសរសៃពួរ បានរារាំងរូបគេនៅឱកាសបង្ហាញខ្លួន ដោយមកទល់ពេលនេះ លេងបានត្រឹមតែ ៧ ប្រកួតក្នុងលីគ និងខាប់ ដោយស៊ុតបានតែមួយគ្រាប់ប៉ុណ្ណោះក្នុងការប្រកួតវគ្គចែកពូល AFC Champions League ជាមួយ Nassaji Mazandaran កាលពីខែតុលា ឆ្នាំ ២០២៣។
រំលឹកពីអាជីព៖ Neymar មានរជ្ជកាលដ៏អស្ចារ្យពេលលេង ចាប់ដៃជាមួយ Lionel Messi និង Luis Suárez កាលនៅ Barcelona ពីឆ្នាំ២០១៣ ដល់២០១៧ ។ កំឡុងពេលនោះ រូបគេរួយមចំណែកជួយក្រុមឱ្យឈ្នះពានរង្វាន់ UEFA Champions League ១លើក, LaLiga ពីរលើក និង Copa del Reys ចំនួនបីលើក។ ក្រោយមកគាត់បានផ្លាស់ទៅ PSG ក្នុងឆ្នាំ 2017 ហើយបានឈ្នះពានរង្វាន់ Ligue 1 ចំនួន 5 ដង Coupe de Frances ចំនួន 3 និង Coupe de la Ligues ចំនួនពីរ។ Neymar បានចាប់ផ្តើមអាជីពរបស់គាត់ជាមួយ Santos ក្នុងឆ្នាំ 2009 ដែលនាំឱ្យពួកគេឈ្នះពានរង្វាន់ Copa Libertadores ក្នុងឆ្នាំ 2011 ។
ប្រភព៖ ESPN
