ក្រុមបិសាចក្រហម Manchester United បានធ្វើឱ្យពិភពលោកបាល់ទាត់ភ្ញាក់ផ្អើល ដោយចុះហត្ថលេខាលើខ្សែការពារវ័យក្មេង Patrick Dorgu ពីក្រុម U.S. Lecce ក្នុងតម្លៃ 30លានអឺរ៉ូ។ កីឡាកររូបនេះជាកីទ្បាករសំខាន់ដំបូងគេដែលត្រូវបានលោក Ruben Amorim ដែលជាអ្នកអ្នកចាត់ការនាំចូលក្រុម ដើម្បីពង្រឹងខ្សែការពារដ៏រឹងមាំរបស់ក្រុមបិសាចក្រហម Manchester United។


សេចក្តីលម្អិតក្នុងកិច្ចព្រមព្រៀង: Manchester United បានទិញគាត់ក្នុងតំលៃ 30លានអឺរ៉ូ ជាមួយនឹងទឹកប្រាក់បន្ថែមចំនួន 5លានអឺរ៉ូបន្ថែមទៀត។ ខ្សែការពារឆ្វេងវ័យ 20ឆ្នាំរូបនេះ បានចុះហត្ថលេខាលើកិច្ចសន្យារហូតដល់ឆ្នាំ 2030 ជាមួយក្រុម Manchester United ជាមួយនឹងជម្រើសអាចបន្តកុងត្រារយៈពេលមួយឆ្នាំទៀត។
ការនាំយកកីឡាករសំខាន់ដំបូងរបស់លោក Ruben Amorim: កីឡាករ Patrick Dorgu ត្រូវបានគេមើលឃើញថា ជាផ្នែកសំខាន់នៃផែនការរបស់លោក Ruben Amorim ដោយក្រុម Manchester United កំពុងស្វែងរកកីឡាករខ្សែការពារឆ្វេងក្នុងទីផ្សារដើម្បីពង្រីងក្រុមអោយកាន់តែខ្លាំងជាងមុន។ កីឡាករអន្តរជាតិដាណឺម៉ាករូបនេះបានបង្ហាញខ្លួនចំនួន 53ដងសម្រាប់ក្រុម U.S. Lecce តាំងពីចេញពីក្រុម FC Nordsjælland មកក្នុងឆ្នាំ 2022 ហើយត្រូវបានបង្ហាញខ្លួនលេងអោយជម្រើសជាតិបាន 4ដងផងដែរ។
ចំណាប់អារម្មណ៍របស់ Patrick Dorgu: កីឡាករ Patrick Dorgu សម្តែងការរីករាយចំពោះការចូលរួមជាមួយក្រុមបិសាចក្រហម Manchester United និងធ្វើការក្រោមការដឹកនាំរបស់លោក Ruben Amorim។ កីទ្បាកររូបនេះបាននិយាយថាគាត់ពិតជាមានមោទនភាពមិនគួរឱ្យជឿ ដែលបានក្លាយជាកីឡាកររបស់ក្រុម Manchester United។ នេះគឺជាថ្ងៃដ៏ពិសេសសម្រាប់គ្រួសាររបស់គាត់ទាំងមូល ព្រមទាំងរូបគាត់ផ្ទាល់ផងដែរ។ កីទ្បាកររូបនេះបន្ថែមទៀតថាគាត់មិនអាចរង់ចាំក្នុងធ្វើការជាមួយលោក Ruben Amorim បានទេ ចក្ខុវិស័យរបស់គាត់សម្រាប់ក្រុមនេះនាពេលអនាគតគឺពិតជារំភើបមិនគួរឱ្យជឿ។ Patrick Dorgu ជឿថា Manchester United គឺជាកន្លែងដ៏ល្អឥតខ្ចោះសម្រាប់គាត់ ក្នុងការអភិវឌ្ឍន៍ និងសម្រេចមហិច្ឆតាក្រុងវិស័យកីទ្បាបាល់ទាត់នេះ។
ទេពកោសល្យរបស់កីឡាករនេះ: ទេពកោសល្យរបស់កីឡាករ Dorgu មានសន្ទុះជាខ្លាំងដោយបានបំបែកចូល ជម្រើសបាល់ទាត់ជាន់ខ្ពស់កាលពីឆ្នាំមុន។ គាត់បានចាប់ផ្តើមនៅក្លិប FC Nordsjælland ដែរជាក្លិបដែលចាប់អារម្មណ៍ទៅលើទេពកោសល្យគាត់ដំបូងគេ។ U.S Lecce បាននាំគាត់លេងនៅ Serie A ធ្វើអោយគាត់ទទួលបានការចាប់អារម្មណ៍ទម្រង់លេងរបស់គាត់ពី ក្រុមបិសាចក្រហម Manchester United។
ប្រភព: Sky Sports