លោក Ruud van Nistelrooy អន់ចិត្តបន្ទាប់ពីលោកចាកចេញពីក្រុមបិសាចក្រហម Manchester United ដោយលោកដឹកនាំក្រុមជាបណ្ដោះអាសន្នបានយ៉ាងជោគជ័យ។ យ៉ាងណាមិញ អតីតកីឡាកររបស់ក្រុម Manchester United រូបនេះ ក៏យល់ពីមូលហេតុ ដែលលោក Ruben Amorim ជ្រើសរើសជំនួយការរបស់ខ្លួនមកធ្វើការជាមួយបន្តទៀតដូចគ្នា។
ការចាកចេញរបស់លោក Ruud van Nistelrooy ពីក្រុម Manchester United: លោក Ruud van Nistelrooy ពិតជាមានការអន់ចិត្តពិតប្រាកដមែនចំពោះការចាកចេញរបស់លោក។ មូលហេតុដែលលោកមកកាន់ដំណែងជាជំនួយការគ្រូបង្វឹកនៅក្រុម Manchester United នេះ ព្រោះតែលោកនៅមានមនោសញ្ចេតនាជាមួយក្រុមការងារ និងអ្នកគាំទ្ររបស់ក្រុម Manchester United។ លោកបានដឹកនាំក្រុម Manchester United មិនដែលចាញ់ ៤ ប្រកួតជាប់គ្នា ក្រោយពីក្លិបបានបញ្ឈប់ការងាររបស់លោក Erik ten Hag។
ប្រវត្តិរបស់លោក Ruud van Nistelrooy ក្នុងនាមជាកីឡាករនៅក្រុម Manchester United: លោក Ruud van Nistelrooy ធ្លាប់ជាអតីតកីឡាកររបស់ក្រុម Manchester United និងធ្លាប់រកគ្រាប់បាល់បាន ១៥០ គ្រាប់។ បន្ទាប់ពីចាប់អាជីពជាកីឡាករឱ្យក្រុម Manchester United បានរយៈពេល ៥ ឆ្នាំ លោក Ruud van Nistelrooy បាន ចូលរួមជាមួយក្រុម Real Madrid។
ចាប់អាជីពជាគ្រូបង្វឹកក្រោយចាកចេញពីក្រុម Manchester United: កាលពីចុងខែវិច្ឆិកា ឆ្នាំ២០២៤ កន្លងទៅ លោក Ruud van Nistelrooy ត្រូវបានតែងតាំងជាអ្នកចាត់ការទូទៅរបស់ក្រុម Leicester City។ លោកនឹងត្រូវមានភារកិច្ចដឹកនាំក្រុម Leicester City ប៉ះគ្នាជាមួយក្រុម West Ham United នាយប់ថ្ងៃអង្គារឈានចូលថ្ងៃពុធនេះក្នុងក្របខណ្ឌ Premier League៕
ប្រភព៖ Reuters
