ម្ចាស់ជើងឯកលីគកំពូលកម្ពុជា ក្លិបព្រះខ័នរាជស្វាយរៀង បានបន្តឈរទីកំពូលតារាងលីគកំពូលកម្ពុជា គិតត្រឹម ក្រោយចាប់ផ្ដើម ការប្រកួតដំបូងជុំទី៣ បន្ទាប់ពីបានយកឈ្នះ ក្លិបបឹងកេត ១-០ ក្នុងជំនួប Cambodian Premier League សប្ដាហ៍ទី២៣ នៃដំណាក់កាល Top 6 នៅកីឡាដ្ឋានខេត្តស្វាយរៀង ដែលធ្វើឱ្យពួកគេ នាំមុខតារាងចំណាត់ថ្នាក់ ៤ពិន្ទុពីក្រុមលេខ២ ភ្នំពេញក្រោន។
សង្ខេបពីការប្រកួត៖ ក្រុមទាំងពីរចាប់ផ្ដើមការប្រកួតដ៏ស្វិតស្វាញ ក្រោមភ្លៀងធ្្លាក់ដ៏ជោគជាំ នៅទឹកដីខេត្តស្វាយរៀង។ ទោះបីជា ព្រះខ័នរាជស្វាយរៀង និងបឹងកេតមានឱកាសល្អជាច្រើន ក្នុងការសម្រាកគ្នាទៅវិញទៅមកក៏ដោយក៏ការប្រកួតដំណើរ លទ្ធផល ០-០ រហូតដល់ចុងការប្រកួតនៅនាទី ៩០+២ នៃម៉ោងបន្ថែម ៦នាទី ខ្សែប្រយុទ្ធ Cristain Roque បានទាត់ពីចម្ងាយដ៏ល្អ ដើម្បីធានាជ័យជម្នះសម្រាប់ក្រុមម្ចាស់ផ្ទះ ។
បច្ចុប្បន្នភាពតារាងចំណាត់ថ្នាក់ក្រុម Top 6៖ ព្រះខ័នរាជស្វាយរៀងបន្តឈរនៅលើកំពូលតារាងដោយមាន ៥៥ ពិន្ទុ តាមពីក្រោយ៤ពិន្ទ ពីក្រុមលេខ២ ភ្នំពេញក្រោន ដែលមាន៥១ពិន្ទុ និងវិសាខា មាន៤៧ពិន្ទុ ក្រោយយកឈ្នះ ភ្នំពេញក្រោន ២-១ នៅកីឡដ្ឋានព្រីនស៍។ ចំណែកក្លិបអង្គរថាយហ្គឺរ ឈរនៅលេខ ៤ មាន៤០ពិន្ទុ ក្រោយយកឈ្នះម្ចាស់ផ្ទះណាហ្គាវើល ២-០។ ណាហ្គាវើល បរាជ័យនៅសប្ដាហ៍ដំបូង ធ្វើឱ្យពួកគេឈរនៅលេខ ៥ មាន៣៦ពិន្ទុ និង បឹងកេត ឈរនៅលេខ៦ មាន៣០ពិន្ទុ ។ បញ្ជាក់ថា ពេលចូលដល់ដំណាក់ 𝗧𝗢𝗣𝟲 ក្រុមចំនួន ៦ នឹងត្រូវប្រកួតគ្នាចំនួន ២ជើងបន្ថែមទៀត នឹងរាប់ពិន្ទុបន្តដែលសន្សំបាននៅការប្រកួត ២ជុំកន្លងមក ដើម្បីសម្រេចរកក្រុមជើងឯកនៅចុងរដូវកាល ២០២៤/២៥។
ការប្រកួតបន្ទាប់៖ ការប្រកួតលីគកំពូលកម្ពុជាជុំទី២ នៃដំណាក់កាលប្រជែងជើងឯក ចុងសប្ដាហ៍នេះ ព្រះខ័នរាជស្វាយរៀង ត្រូវជួបជាមួយអង្គរថាយហ្គឺរ, ភ្នំពេញក្រោន ត្រូវជួបជាមួយបឹងកេត និងវិសាខា ត្រូវជួបណាហ្គាវើល៕
