ការផ្ទេរកីឡាការនីជាប្រវត្តិសាស្ត្រសម្រាប់កីឡាបាល់ទាត់នារីកម្ពុជា៖ កីឡាករជម្រើសជាតិកម្ពុជា យ៉ន យ៉ើន និង ហុក សៅឌី របស់ក្លិបបាល់ទាត់នារីណាហ្គាវើល នឹងបង្កើតប្រវត្តិសាស្ត្រលើកដំបូងជាកីឡាការនីកម្ពុជា ចូលរួមជាមួយក្រុម Bangkok Women FC នៃលីគកំពូលនារីថៃ ក្នុងលក្ខខ័ណ្ឌខ្ចីជើងនៅរដូវកាលក្រោយ។
សេចក្តីប្រកាសជាផ្លូវការពីណាហ្គាវើល ៖ ក្លឹបបាល់ទាត់នារីណាហ្គាវើល បានប្រកាសជាផ្លូវការកាលពីថ្ងៃសុក្រ ថា កីឡាករទាំងពីរនឹងធ្វើដំណើរទៅប្រទេសថៃក្នុងលក្ខខណ្ឌខ្ចីជើង សម្រាប់រដូវកាលក្រោយ។ ខ្សែប្រយុទ្ធ យ៉ន យ៉ើន និង ខ្សែបម្រើ ហុក សាឌី នឹងបញ្ចប់ការប្រកួតលីគនារីកម្ពុជារដូវកាលនេះជាមួយណាហ្គាវើល ដែលក្រុមរបានឡើងទៅវគ្គពាក់កណ្តាលផ្តាច់ព្រ័ត្រ។
ការចាប់ផ្តើមដំបូងសម្រាប់កីឡាករនារីកម្ពុជា៖ ជាលើកដំបូងក្នុងប្រវត្តិសាស្ត្រដែលកីឡាករបាល់ទាត់នារីកម្ពុជានឹងចូលរួមប្រកួតក្នុងលីគបាល់ទាត់នារីរបស់ប្រទេសថៃ ដែលជាឱកាសដ៏អស្ចារ្យសម្រាប់កីឡាបាល់ទាត់កម្ពុជា។ រហូតមកដល់ពេលនេះ មានតែកីឡាករបុរសប៉ុណ្ណោះដែលបានចូលរួមក្នុងលីគបាល់ទាត់របស់ប្រទេសថៃ។ ប៉ុន្មានឆ្នាំចុងក្រោយ ដែលកីឡាករកម្ពុជាប្រកបអាចីពនៅលីគថៃ រួមមានកីឡាករខ្មែរ-បារាំង ដូចជា ខ្សែបម្រើ Ratanak Villay Sengtong ដែលលេងឱ្យ Kanchanaburi FC នៅ Thai League 2 ក្នុងរដូវកាល ២០២៣/២៤ និង ខ្សែបម្រើការពារ Thierry Chanthabin ដែលធ្លាប់លេងឱ្យ Krabi FC ក្នុងឆ្នាំ២០១៧ និងក្លិបលីគកំពូលថៃ Sukhothai FC ក្នុងឆ្នាំ២០២០ ។
បទពិសោធន៍អន្តរជាតិសម្រាប់ យ៉ន យ៉ើន និង ហុក សាឌី៖ សម្រាប់ខ្សែប្រយុទ្ធ យ៉ន យ៉ើន នេះជាលើកទីពិរ ហើយសសម្រាប់រូបគេ ដែលប្រកបអាជីពលើឆាកអត្ន្តរជាតិ ដោយធ្លាប់ត្រូវបានខ្ចីជើងទៅក្លិប Young Elephants របស់ឡាវ ដើម្បីប្រកួតក្នុងវគ្គចែកពូល AFC Women’s Championships League នៅឆ្នាំ២០២៤។ ចំណែកឯ ខ្សែបម្រើ ហុក សៅឌី នេះជាការចាប់ផ្ដើមបទពិសោធន៍ដំបូងក្នុងការប្រកបអាចីបនៅក្រៅប្រទេស។
សមិទ្ធិផលជាមួយក្រុមជម្រើសជាតិរបស់ពួកគេ៖ កីឡាការនី យ៉ន យ៉ើន និង ហុក សាឌី បានចូលរួមចំណែកយ៉ាងសំខាន់ក្នុងវិស័យកីឡាបាល់ទាត់កម្ពុជា ដោយបានជូយក្រុមជម្រើសជាតិបានារីកម្ពុជាឈានដល់វគ្គពាក់កណ្តាលផ្តាច់ព្រ័ត្រនៃព្រឹត្តិការណ៍កីឡាស៊ីហ្គេម ឆ្នាំ២០២៣ ហើយថ្មីៗនេះ ពួកគេជួយក្រុមឱ្យទទួលបានចំណាត់ថ្នាក់លេខ២ ក្នុងព្រឹត្តិការណ៍ AFF Women’s Cup 2024 នៅប្រទេសឡាវក្នុងខែធ្នូ ឆ្នាំ ២០២៤ ៕
