ក្រុមបិសាចក្រហម Manchester United បានយកឈ្នះលើ Arsenal ក្នុងការប្រកួត FA Cup ដ៏តានតឹង ដោយឈ្នះ 5-3 លើការពិន័យ (Penalty) បន្ទាប់ពីទទួលលទ្ចផល1ស្មើ នៅលើទឹកដី Emirates។ ការយកជ័យជម្នះនេះបានបង្ហាញទម្រង់លេងល្អពីកីឡាករ Manchester United ជាពិសេសលោក Altay Bayindir និងលោក Joshua Zirkzee តែម្តងដែលបានជួយដល់ក្រុមរបស់ខ្លួន។
ការប្រកួតរវាង Manchester United នឹង Arsenal: បើកការស៊ុតបញ្ចូលទីសម្រាប់ក្រុមបិសាចក្រហម Manchester United ដោយកីទ្បាករ Bruno Fernandes ជាមួយនឹងគ្រាប់បាល់មួយគ្រាប់ ប៉ុន្តែលោក Gabriel Magalhães មកពីក្រុមកាំភ្លើងធំ Arsenal បានស៊ុតបញ្ចូលទីសម្រាប់ក្រុមរបស់ខ្លួនដូចគ្នា ធ្វើអោយលិទ្ធផលក្រុមទាំងពីរស្មើរគ្នា។ លោក Altay Bayindir ជាអ្នកចាំទីរបស់ក្រុមបិសាចក្រហម Manchester United បានរក្សាបាល់ពិន័យរបស់ក្រុមកាំភ្លើងធំ Arsenal លោក Kai Havertz។ លោកJoshua Zirkzee បានជួយ Manchester United ឈ្នះដោយស៊ុតបាល់ប៉េណាល់ទីចូល ធ្វើអោយ Manchester United ឡើងទៅការប្រកួយមួយដំណាក់ទៀតក្នុង FA Cup។
មតិយោបល់របស់អ្នកចាត់ការក្រុម: លោក Mikel Arteta ជាអ្នកចាត់ការរបស់ក្រុមកាំភ្លើងធំ Arsenal បាននិយាយថាគាត់ គាត់មិននឹកស្មានបរាជ័យក្នុងការយកឈ្នះក្នុងការប្រកួតនេះ។ គាត់និយាយទៀតថាក្រុមរបស់ខ្លួនបានគ្របគ្រងបាល់យ៉ាងល្អ បើប្រៀបជាមួយក្រុម Manchester United ហើយគោលបំណងរបស់ក្រុមគឺចង់ឈ្នះតែប៉ុណ្ណោះ ដែលមិនសមទទួលបានលទ្ចផលបែបនេះទេ។ រឺឯលោក Ruben Amorim ដែលជាអ្នកចាត់ការក្រុមបិសាចក្រហម Manchester United ក៏បាននិយាយដែរថាក្នុងតង់ទី1 ក្រុមលេងបានល្អជាងនៅក្នុងការប្រកួត Premier League ។ក្រុម Manchester United មានភាពប្រសើរជាងមុន ក្នុងការលេងទម្រង់កាច នឹងបានបង្ហាញស្មារតីល្អ ទោះបីជាមានកីឡាករ 10នាក់ក៏ដោយ។
ការសម្លឹងមើលទៅមុខ: ក្រុមបិសាចក្រហម Manchester United នឹងត្រូវជួប ក្រុមLeicester City ក្នុងការប្រកួត FA Cup ជុំបន្ទាប់ នៅចន្លោះខែកុម្ភៈទី 7-10។ ទន្ទឹមនឹងនោះក្រុមកាំភ្លើងធំ Arsenal នឹងផ្តោតលើការត្រលប់មកវិញ ក្នុងការប្រកួតដ៏សំខាន់នៅ North London Derby ដែលត្រៀមនឹងប្រកួតទល់នឹងក្រុមTottenham ។
ប្រភព: Sky Sports
