លោក Carlo Ancelotti ដែលជាគ្រូបង្វឹករបស់ក្រុម Real Madrid បានច្រានចោលពាក្យចរចាអារាមដែលនិយាយថា Vinicius Junior នឹងទៅលេងអោយលីគកំពូលនៅអារ៉ាប៊ីសាអូឌីត។ គាត់បានបញ្ជាក់ច្បាស់ៗថាខ្សែប្រយុទ្ធប្រេស៊ីលរូបនេះនឹងនៅតែបន្តភាពល្បីល្បាញនិងរុងរឿង(Glory) ជាមួយនិងក្រុម Real Madrid ជាជាងផ្ទេរខ្លួនទៅលីគកំពូលអារ៉ាប៊ីសាអូឌីត។
ការចាប់អារម្មណ៍ពីក្លិបដទៃ: កីឡាករ Vinicius Junior ដែរមានវ័យ 24ឆ្នាំរូបនេះបានទទួលការចំណាមអារម្មណ៍ពីក្លិបនៅមជ្ឈិមបូព៌ាយូរមកហើយ ដែលទើបតែល្បីចំពោះការចាប់អារម្មណ៍មួយនេះនៅដើមខែនេះ។ ទោះជាយ៉ាងណាក៏ដោយ លោក Carlo Ancelotti នៅតែបន្តមានទំនុកចិត្តថា ខ្សែបម្រើស្លាបដ៏ឆ្នើមរបស់គាត់ផ្តោតទៅលើការលើកពានជាមួយក្លិប Real Madrid តែប៉ុណ្ណោះ។ លោក Carlo Ancelotti បានថ្លែងនៅក្នុងសន្និសីទកាសែតថាកីឡាករប្រេស៊ីលរូបនេះមានការសប្បាយរីករាយ និងរំភើបជាមួយឈ្មោះជាកីទ្បាករនៅទីនេះ និងឈ្នះពានជាមួយ Real Madrid។
ទម្រង់លេងរបស់កីឡាករ Vinicius នៅរដូវកាលនេះ: កីឡាករសញ្ជាតិប្រេស៊ីលរូបនេះ បានបង្ហាញទម្រង់លេងយ៉ាងគួរឱ្យចាប់អារម្មណ៍ក្នុងរដូវកាលនេះ ដោយស៊ុតបញ្ចូលទីបាន 16គ្រាប់ ក្នុងចំណោម 26ប្រកួត សរុបការប្រកួតទាំងអស់។ ការលេងរបស់គាត់នៅ UEFA Champions League បានជួយក្រុមខ្លាំងៗជាច្រើន គាត់បានស៊ុតចូលបាន 7គ្រាប់ក្នុងការបង្ហាញខ្លួន 6ប្រកួត រួមទាំងការស៊ុតបាល់បញ្ចូលទី Hat-Trick នៅក្នុងប្រកួតជាមួយក្រុម Borussia Dortmund ផងដែរ។
ផ្តោតលើការឈ្នះ មិនមែនផ្ទេរក្លិប: ក្រុម Real Madrid បច្ចុប្បន្នត្រូវប្រឈមមុខនឹងការប្រកួតយ៉ាងតឹងតែម ដើម្បីធានានូវការឈ្នះជម្រុះដោយស្វ័យប្រវត្តិសម្រាប់វគ្គ 16ក្រុមចុងក្រោយនេះនៅក្នុងការប្រកួត UEFA Champions League។ ខណ:ក្រុម Real Madrid ដែលកំពុងចង់យកឈ្នះទាំងក្នុងស្រុក និងអឺរ៉ុបផងនេះកីទ្បាករ Vinicius Junior ហាក់បីដូចជាមានការប្តេជ្ញាចិត្តក្នុងការបន្តនៅជាមួយនឹងក្រុមរយៈពេលវែងជានេះដោយត្រៀមយកជ័យជំនះជូនក្រុម ជាងលុយកាក់តម្លៃផ្ទេរខ្លូននៅក្លិបដទៃផ្សេងទៀត។
ប្រភព: Eurosport
